E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

“Black Box” / Ekspozita që “riatdheson” artin e Bujar Lucës në GKA

19 Tetor 2015, 17:35, Kulturë CNA

Bujar Luca, artisti i njohur shqiptar, krijimtaria e të cilit është e mirënjohur në vende të ndryshme të botës, ditën e merkure do të prezantojë për publikun dhe miqtë e Galerisë Kombëtare të Arteve, ekspozitën e parë vetjake ?Black Box?.

Artisti që numëron rreth 20 ekspozita vetjake dhe në grup, pasi ka koleksionuar dhe çmime si, ?Ambasador i kombit?, Medalje nga Presidenti Bamir Topi në vitin 2008, ?Medalje argjendi? nga Fondacioni Richard Lounsbery në vitin 2006, tre herë çmimin e parë në festivalin e filmit shqiptar si ?Kostum Krijues? në vitet 1979 ? 1981 ? 1985, rikthehet në kryeqytet pas 11 vitesh mungesë.

Për të ?riatdhesuar? artin e tij, Bujar Luca do të ndajë me anën e kësaj ekspozite, atë qe ka krijuar si një artist, i cili ka jetuar nën diktaturën komuniste.

Ndërkohë që veprat e artistit Bujar Luca janë koleksionuar në qytete të mëdha si, Parisi, Nju Jorku, Londra, Moska, Brukseli, ai sjell në Tiranë ekspozitën e tij nëpërmjet së cilë ai do të tregojë atë çka mund të arrijë artisti i një vendi të Lindjes, kur krijon me kurajo dhe guxim, kur emocionalisht e udhëheq imagjinata, dija dhe talenti.

?Black Box? i Lucës dhe veprat e tij do të sjellin nëpërmjet kësaj ekspozite teknika si miks në letër dhe miks në telajo.

Bujar Luca është ndër artistët bashkëkohor shqiptar, i cili me artin e tij lartëson cilësinë e prezantimeve tona ndaj një publiku të mirëinformuar dhe të edukuar me artin bashkëkohor.

Bujar Luca ka punuar në Kinostudio ?Shqipëria e Re?, deri në vitin 1990, vit që shënon largimin e tij nga Shqipëria.

Nga ajo kohë punon, krijon dhe jeton në Paris, vend të cilit i ka kushtuar me pasion energjitë më të mira krijuese.

Luca ka përfunduar studimet në Institutin e Lartë të Arteve në Tiranë nga fundi i viteve 70.

Ka punuar mbi 20 filma si krijues kostumesh dhe skenograf gjatë 13 vitesh.

Kjo eksperiencë dhe ajo e grumbulluar gjatë 25 viteve në Paris kanë formuar personalitetin e tij artistik.

Ekspozita ?Black Box? do të çelet në 21 tetor ora 19:00 e do të qëndrojë e hapur për publikun deri në datën 15 nëntor.