Pas Greqisë, edhe euroskeptikët italianë kërkojnë referendum/ Beppe Grillo: Italia duhet të dalë nga Eurozona

6 Korrik 2015, 07:31, Kosova & Bota CNA

Referendumi grek duket se ka hapur ?Kutinë e Pandorës?

Euroskeptikët kanë arritur një fitore të madhe dje dhe pas referendumit të djeshëm grek, mund të ketë referendum të tilla edhe në vendet e tjera të BE-së.

Të parët që e shprehin këtë, janë euroskeptikët italianë.

Nga Athina, ku ndodhet për të mbështetur qeverinë e Tsipras e popullin grek, lideri i Lëvizjes 5 Yje, Beppe Grillo ka deklaruar se rezultati i këtij referendumi, detyron kancelaren gjermane Merkel e bankierët europianë të reflektojnë shumë.

?E ky është vetëm fillimi.

Tani popullin grek e pret një e ardhme me plot perspektivë.

Kjo është demokracia e vërtetë?, shprehet Grillo.

Grillo deklaroi për mediat greke, se dhe në Itali do të kërkojnë që të jenë qytetarët ata që duhet të vendosin për euron.

Ai tha se shumë shpejt do t?i kërkojnë parlamentit italian të marrin në diskutim propozimin e një ligji mbi iniciativën popullore, të cilën e kanë depozituar pak kohë më parë në dhomën e Senatit.

Sipas tij, fuqia duhet të jetë në duart e popullit e jo të bankave.

?Ne nuk jemi kundër Europës, jemi në favor të sovranitetit të çdo populli për të vendosur mbi monedhën, ekonominë, bujqësinë, financën e vendit dhe e përcaktuar me votën e tyre.

Ky është çelësi i demokracisë së vërtetë dhe të drejtpërdrejtë që ne duam të sjellim në Europë.

Asgjë e tillë nuk është Bashkimi Europian, i cili është në duart e një oligarkie bankash e financash, nga njerëz të emëruar nga qeveritë e pa votën e askujt?, shprehet Grillo

Përsa i përket idesë së një referendumi të ngjashëm në Itali, Beppe Grillo ka informuar se janë mbledhur rreth 50 mijë firma për të bërë një ligj të iniciativës popullore, të cilin Lëvizja 5 Yje e ka depozituar në dhomë e senatit.Më pas ky propozim do të dikutohet në parlamentin italian.

?Ne do t?i kërkojmë italianëve, meqë kur hymë në zonën euro askush nuk kërkoi mendimin e popullit, nëse dëshërojnë të qëndrojnë në Eurozonë?, tha ai.

Për Lëvizjen 5 Yje ?Italia duhet të dalë sa më shpejt nga Eurozona dhe se qëndrimi në të është problemi kryesor për vendin.

Për Beppe Grillon të mëdhenjtë e Europës kanë standartizuar mendimin ?se është e tmerrshme të dalësh nga euro, është e tmerrshme për ekonominë, për popullin. Por përkundrazi, është e tmerrshme të qëndrosh në këtë situatë e një shëmbull i tillë është Greqia.?