web counter
LEXO PA REKLAMA!

SHKARKO APP

App Store
Google Play

Referendumi ne Greqi, po dhe jo ne balance, Cipras: Votoni kunder shantazheve

3 Korrik 2015, 14:36, Kosova & Bota CNA

Kryeministri grek Tsipras, deklaroi se analiza e FMN per krizen greke justifikon vendimin e qeverisë së tij për të refuzuar një paketë ndihme nga huadhënësit, e cila nuk përfshinte asnjë lehtësim borxhi.
Në një fjalim televiziv ndaj kombit të tij në ditën e fundit të fushatës përpara referendumit të së dielës, Tsipras ritheksoi sërish apelin e tij ndaj popullit grek që të votojë kundër paketës së ndihmës dhe t?u thonë ?jo? shantazheve dhe ultimatumeve.

?Dje, një ngjarje e një rëndësie tepër të madhe politike ndodhi, – tha Tsipras. – FMN-ja publikoi një raport mbi ekonominë greke, e cila është njëkohësisht edhe një përligjje e madhe për qeverinë greke, pasi ai raport konfirmoi qartësisht se borxhi grek nuk është i qëndrueshëm?.

Ndërkohë, në krahun tjetër, ministri gjerman i Financave, Wolfgang Schaeuble, tha gjatë një interviste për një të përditshme gjermane se, ai vetë parashikon që çdo bisedim me Greqinë mbi një marrëveshje ndihme në këmbim të reformave do të jetë ?tejet i vështirë? pas referendumit të së dielës në Greqi.

?Greqia ka nevojë për reforma, por tashmë e di qartësisht se këto do të jenë negociata tepër të vështira?, ka thënë Schaeuble për të përditshmen ?Bild?. Ai ka shtuar se situata në Greqi ?është përkeqësuar ndjeshëm? gjatë javëve të fundit.

Por çfarë do të ndodhë me referendumin e së dielës? Duket se edhe parashikimet e sondazheve tashmë janë përmbysur. Mbështetësit grekë të kufizimeve për të marrë ndihma sapo kanë dalë në kryesim, edhe pse tepër të lehtë, kundrejt atyre që refuzojnë masat shtrënguese, gjë që kërkohet edhe nga qeveria e radikalëve të majtë.

Sondazhi i kryer nga Instituti ?ALCO?, i publikuar edhe në gazetën ?Ethnos? të së premtes, bën të ditur se kampi që pritet të votojë ?po? është ngjitur në rreth 44,8%, kundrejt kampit që pritet të votojë ?jo? me 43,4%. Por ky kryesim është brenda atij që quhet marzh gabimi i sondazhit, ndërsa 11,8% e votuesve janë ende të pavendosur.





05:29 Kosova & Bota

Egoizëm diletantesk

Aleksis Cipras nuk ka më parasysh të mirën e popullit grek, ...

Lajmet e fundit nga