web counter
LEXO PA REKLAMA!

SHKARKO APP

App Store
Google Play

Spartak Ngjela: 7 arsye pse shqiptarët goditën Bashën në 21 Qershor

1 Korrik 2015, 07:24, Aktualitet CNA

Avokat Spartak Ngjela, par tia e të cilit ka katërfishuar rezultatin në këto zgjedhje, ka analizuar dhe komentuar disfatën e thellë të Partisë Demokratike në zgjedhjet e 21 qershorit. Ngjela, në një prononcim për gazetën “Sot”, ka listuar disa arsye se pse shqiptarët e goditën Bashën në këto zgjedhje me votë, ndërsa ka shprehur bindjen se, nëse PD nuk e ndryshon këtë kryetar do shkojë drejt disfatës së radhës në zgjedhjet e 2017. Avokat Ngjela ka renditur 7 arsye që çuan PD sërish drejt disfatës së radhës pas zgjedhjeve parlamentare të 2013. Në analizën që i bën humbjes së PD në zgjedhjet e 21 qershorit, Ngjela bën përgjegjës kryesor Lulzim Bashën, i cili sipas tij, nuk kishte program dhe u përpoq të politizonte procesin zgjedhor. Ai vuri në dukje se, pikërisht politizimi i zgjedhjeve lokale i solli goditjen me votë nga qytetarët shqiptarë në 21 qershor.

“Kryetari Basha nuk kishte elokuencë politike, nuk mbajti asnjë fjalim dhe nuk kishte asnjë program. Nuk tha asnjë fjalë pro apo kundër reformës territoriale; nuk tha asnjë fjalë në lidhje me pavarësinë e gjyqësorit, në kuadër të reformës që është duke u kryer dhe nuk kishte staf. Mbajti vetëm një fjalim që dukej sikur do bënte revolucion. What kind of revolucion?! Do rrëzojmë hajdutët…do bëjmë këtë…gjëra që nuk kishin asnjë lidhje. Ishte naiv dhe donte ta politizonte procesin zgjedhor. Duke e politizuar, shqiptarët e goditën në 21 qershor. Basha nuk pranohet politikisht!”, deklaroi avokat Ngjela. Avokat Ngjela është shprehur se nuk e sheh Bashën lider të PD për shumë kohë. “Kam përshtypjen se Basha nuk do jetë kryetar i PD deri në 2017. Nëse Berisha do ta mbajë, do pësojë disfatë edhe më të thellë”, u shpreh ai, duke shtuar se Basha është një kryetar i katapultuar në politikën shqiptare.

Spartak Ngjela: 7 arsye pse shqiptarët goditën Bashën në 21 Qershor





Lajmet e fundit nga