web counter
LEXO PA REKLAMA!

SHKARKO APP

App Store
Google Play

E fundit!

x

BATUTAT e Ramës në festën e 24 vjetorit të PS-së/ Nga thumbimet për Gjinushin, te Ngjela e Basha

29 Qershor 2015, 19:02, Aktualitet CNA

Partia Socialiste ka festuar sot 24 vjetorin e themelimit të saj, dhe njëkohësisht, edhe fitoren e zgjedhjeve të 21 qershorit.

Në fjalën e tij, kryeministri Edi Rama nuk ka ngurruar të bëjë disa batuta me aleatët e vet.

?Fituam së bashku edhe me socialistët e Ilirit, i cili vazhdon të heqë peshë nga vetja duke ia shtuar LSI-së.

Me demokratët e presidentit Topi që ketë herë fitoi se besoi tek shprehja trim i mirë me shokë shumë.

Sikur Skënderi mos të kishte dal i vetëm në luftë, s?do kishte mbetur asnjë jashtë fitores?, tha Rama.

Ai vazhdoi me Spartak Ngjelën, duke thënë se është unik në llojin e tij.

Sipas Ramës, Ngjela është edhe aleat i kësaj mazhorance, por edhe kundërshtar i egër i saj.

Kryeministri ndërkohë ka thumbuar edhe Lulzim Bashën, duke thënë se donte ta uronte atë kur kishte ditëlindjen, pasi e kishte në të njëjtën ditë me themelimin e PS-së, por ishte në fushatë dhe nuk e bëri dot.

Ai pohoi ndërkohë se i kishte bërë ftesë Bashës dhe demokratëve të tjerë, por me përjashtim të Tritan Shehut, nuk kishte shkuar askush.

?Do të kisha qenë i lumtur nëse do të kishte ardhur se do ta falënderoja personalisht, jo për fitoren që na e bëri më te lehtë, por për referendumin që bëri, rezultati i të cilit dihet.

Por jam i bindur se miku i të gjithëve  Tritan Shehu do t?ia përcjellë falenderimet?, tha Rama.

Më tej ai bëri thirrje për një hapje të re të PS për shtuar numrin e anëtarëve të partisë më të madhe në vend.

?Vitin e ardhshëm nuk do e shtyjmë ditëlindjen. Eshtë koha ideale për një hapje të re të PS. Ta bëjmë PS përgjatë këtij viti një hapësirë të re për forca e mundësi që vijnë edhe  nga jashtë saj?, tha Rama.

Në fillim të festës së organizuar për 24 vjetorin e themelimit të PS, Kryeministri falenderoi të pranishmit, por edhe cdo socialist, jo vetëm për ditëlindjen e Partisë Socialiste, por edhe për fitimin e zgjedhjeve vendore të 21 Qershorit.

?Mirë se keni ardhur që të gjithë shumë të dashur miq. Faleminderit për gjithçka dhe gëzuar këtë festë të përbashkët fitoreje e përvjetori. Faleminderit socialistëve të rinj me teser dhe pa teser, me ?Facebook? e pa ?Facebook?.

Gëzuar me gjithë zemër ju shokë e shoqe, të njohur e të panjohur, brenda dhe jashtë Shqipërisë. Gëzuar edhe grave që kandiduan dhe që morën një mbështetje të jashtëzakonshme.

Gëzuar fitoren të dashur kryeshërbëtorë të sapozgjedhur të Shqipërisë nga të gjitha njësitë ku njerëzit zgjodhën alternativën tonë për Rilindje?, tha Rama.





Lajmet e fundit nga