web counter
LEXO PA REKLAMA!

SHKARKO APP

App Store
Google Play

E fundit!

x

Biblioteka Kombëtare në kushte skandaloze, Ministria e Kulturës ende pa projekt zgjerimi

27 Qershor 2015, 06:41, Kulturë CNA

Biblioteka Kombëtare institucioni më i rëndësishëm sot për librin vazhdon të jetë në një gjendje të mjeruar, kur flitet për infrastrukturën e ndërtesës dhe zgjerimin e hapësirave. Është një institucion për të cilin deri më tani nuk ka një plan konkret për një ndërhyje në ndërtesë.  Në vitin 1966, BK u zhvendos në një pjesë të ndërtesës së re të Pallatit të Kulturës, ku gjendet dhe sot, por edhe pse ndër vite është pohuar se kërkohet urgjent më shumë hapësira për librat, kjo gjë deri më tani nuk ka qenë e mundur.

Pranë Ministrisë së Kulturës bëhet me dije se problemet mbi Bibliotekën Kombëtare janë të njohura, por gjithçka për një projekt për zgjerimin e hapësirave të saj është vetëm në negocime deri tani. Ndërkaq që ministrja e Kulturës, Mirela Kumbaro, gjithashtu në dhjetor të viti 2013 para Komisionit të Medias ka folur për një ndërhyrje urgjente në këtë institucion. ?Gjendja në Bibliotekën Kombëtare është skandaloze, kërkohet ndërhyrje urgjente për krijimin e hapësirave të reja?, pohoi atë kohë Kumbaro, duke shprehur dhe shqetësimin që prej vitesh në këtë institucion nuk ka pasur asnjë ndërhyrje për të siguruar më shumë hapësira të reja.

Por edhe pse shihet me shumë problem gjendja në Bibliotekën Kombëtare që prej vitesh nuk ka pasur asnjë projekt konkret për  ndërhyrje dhe për të siguruar më shumë hapësira për librat, që është pohuar nuk ka më vende, ende institucionet nuk po mundin të prezantojnë diçka konkrete mbi Bibliotekën Kombëtare. ?Po punohet, është në negociata puna për zgjerimin e hapësirave të Bibliotekës Kombëtare. Ministria e Kulturës e ka vullnetin për ta bërë këtë, dhe do të jetë projekti për zgjerimin e hapësirave në bibliotekë?, pohon Milena Selimi, Këshilltare për Median dhe Komunikimin. Ndërkaq që nuk është hera e parë që flitet për këtë projekt, edhe pse ende asgjë nuk prezantohet mbi Bibliotekën Kombëtare, ku dhe drejtues të mëparshëm të saj kanë parë problem hapësirën e librave. Më herët në Bibliotekën Kombëtare është folur më shumë për projekte të dixhitalizimit, se sa për buxhetin që duhet për të ndërhyrë në zgjerimin e hapësirave.

Biblioteka ndër vite  

Muaj më parë kur u zhvillua një takim me median në BK,  është bërë të ditur se institucionit do i kthehet pjesa jugore e ndërtesës, ku aktualisht gjendet Instituti Italian i Kulturës. Gjithashtu drejtues të BK kanë pohuar se do të nisë një proces restaurimi, ku parashikohen salla të reja leximi dhe kushte bashkëkohore për stafin, megjithatë nuk u bë i ditur një afat se kur do të nisë restaurimi dhe as buxheti që do të vihet në dispozicion. Biblioteka Kombëtare e Shqipërisë për datë të themelimit të saj 10 korrikun 1920. Si bërthamë e saj shërbeu fondi i bibliotekës së ?Komisisë Letrare Shqipe?, organizëm i përbashkët shqiptaro-austriak, krijuar në qytetin e Shkodrës në vitin 1917 në kontingjencat e njohura të Luftës së parë Botërore. Më 1920 ky fond u vendos në Ministrinë e Arsimit, Tiranë.   Në momentin e përurimit si BKSH, 1922, ajo kishte rreth 6.000 vëllime. Mbarimi i Luftës së dytë botërore e gjeti BKSH me një koleksion prej 15.000 vëllimesh. Ajo u vendos në një nga ndërtesat më të mira të asaj kohe, e cila shërben edhe sot si ?aneks? i saj. Në fund të vitit 1947 fondi i saj numëronte rreth 100.000 vëllime.

Nga institucion në vartësi të Institutit të Shkencave, në vitin 1959 BKSH kaloi në vartësi të Ministrisë së Arsimit dhe të Kulturës. Në vitin 1966 ajo u zhvendos në një pjesë të ndërtesës së re të Pallatit të Kulturës, ku gjendet dhe sot. Ndryshimet demokratike të viteve ?90 sollën mundësi ndryshimi edhe në politikat e Bibliotekës Kombëtare. Nga modeli i bibliotekave të Europës Lindore, me kufizime të skajshme në sigurimin e informacionit dhe shfrytëzimin e disa kategorive të literaturës, ajo kaloi në heqjen e barrierave kufizuese të kësaj natyre, duke shkuar drejt lirisë së informacionit për përdoruesit.





Lajmet e fundit nga