web counter
LEXO PA REKLAMA!

SHKARKO APP

App Store
Google Play

Bejko: Nuk kam bërë asnjë deklaratë, banorët e Lazaratit të ruajnë qetësinë

24 Qershor 2015, 11:48, Aktualitet CNA

Kryetari i Partisë Demokratike në Gjirokastër, Roland Bejko ka reaguar pas lajmit nga disa televizione se ka bërë deklaratë lidhur me ngjarjen në Lazarat.

Përmes një postim në facebook, Bejko ngushëllon familjen e oficerit të vrarë dhe bën thirrje për maturi në zgjidhjen e situatës.

‘Sqarim për mediat dhe opinionin publik. Sqaroj mediat dhe opinionin publik se nuk kam bërë asnjë deklaratë për ngjarjen e Lazaratit deri më tani. Për mua ky është një ekuacion me shumë të panjohura. Gjithçka që thuhet duke përmendur emrin tim, është spekullim. Unë komunikova vet me gazetaren dhe më kërkoi ndjesë.

Tashmë duhet të dalë dhe ta pranojë publikisht që ka thënë diçka për të cilën nuk jam shprehur. E vetmja gjë që mund të deklaroj në këto çaste është dhimbja e madhe që ndiej për humbjen e policit të vrarë z. Ibrahim Basha në mënyrë tragjike në Lazarat. Zoti ju dhëntë forcë familjarëve për të përballuar dhimbjen e madhe për humbjen e jetës së njeriut të tyre të dashur. Jam shumë i lumtur që dy efektivët e plagosur janë jashtë rrezikut për jetën.

Kjo është ngjarje shumë e rëndë ! Banorët e Lazaratit ta ruajnë qetësinë,mediat të mos implikojnë në këtë ngjarje të rëndë këdo që është banor i atij fshati. Lipset që Policia e Shtetit ta administrojë me maturi e transparencë ngjarjen e atyshme’ shkruan Bejko.

 





Lajmet e fundit nga