E fundit!

15:38 Aktualitet

FOTOT-Rama në Kuvend, opozita bllokon foltoren, kërkon dorëheqjen e tij

Seanca parlamentare e ditës së sotme është shoqëruar me de...

Dietat ideale për ditët e nxehta

2 Qershor 2015, 10:00, Lifestyle CNA

Dieta është më lehtë që të mbahet gjatë verës edhe për shkak se kemi shumë pemë e perime të freskëta.

Edhe pse gjatë verës preferohet që të konsumojmë ushqime të lehta, kjo nuk do të thotë se duhet të bëhemi vegjetarianë.

Me qëllim që menyja juaj të jetë e ekuilibruar, duhet që të merrni edhe një sasi të caktuar të proteinave shtazore, pasi ju nevojiten si ?material ndërtimor? për qelizat dhe forcon imunitetin tuaj.

Dieta është më lehtë që të mbahet gjatë verës edhe për shkak se kemi shumë pemë e perime të freskëta.

Më poshtë po rendisim disa nga dietat që mund të përdorni gjatë stinës së verës.

Dieta me mollë

Zgjatë tri ditë. Mund të humbni deri në 2 kg. Rreth 2 kg mollësh të freskëta ndani në pesë shujta. Mollët mund t?i hani ashtu si janë, por mund të përgatitni edhe disa gjellë nga to. Psh, mund të përgatitni sallatë mollësh: 300 g mollë të maturuara, të qëruara, gërryeni në një enë, përzieni me rrënjë majdanozi dhe selinoje dhe shtoni lëng limoni.

Dieta me karota

Zgjatë tri ditë. Mund të humbni deri në 3,5 kg. Grini karotat, shtojini lëng limoni, nëse doni edhe pak mjaltë, por vetëm një lugë supe në ditë. Këtë sallatë mund ta hani sa të doni. Me çdo shujtë mund ta hani edhe nga një pemë: mollë, kivi, grejpfrut, portokall, etj. Duhet të pini sa më shumë ujë, apo çaj pa sheqer.

Dieta me domate

Zgjat dy ditë. Mund të humbni deri në 2 kg. Brenda një dite duhet të hani 1,5 kg domate të freskëta, të ndarë në katër copa edhe atë pa i shtuar piper, kripë, apo vaj.

Dieta me bostan

Zgjat po ashtu dy ditë dhe, me anë të saj, mund t?i humbni 2-3 kile. Brenda ditës hani rreth 1,5 kg bostan.

Dieta me lakër

Zgjat shtatë ditë. Mund të humbni deri në 5 kg. Baza e kësaj diete është çorba e lakrës, të cilën mund ta hani sa të doni. Krahas kësaj, ditën e parë mund të hani çfarëdo fruti, përpos bananes, ditën e dytë ndonjë perime të gjelbër dhe një patate të zier, me pak vaj, ditën e tretë konsumoni një frut të çfarëdoshëm, apo perime, përpos patates, ditën e katërt tri banane dhe qumësht pa yndyrë, ditën e pestë një racion peshk apo mishi të bardhë pule, me një domate, në ditën e gjashtë pak mish të zier lope me sallatë të gjelbër dhe, në fund, ditën e shtatë, pak oriz me perime.

Dieta me kastravecë

Zgjat tri ditë. Mund të humbni deri në 3,5 kg. Bazë e kësaj diete është sallata. Ju nevojitet 1 kg kastravecë, të cilët duhet t?i qëroni dhe grini. Hidhi sipër kripë dhe kos të pa yndyrshëm, dhe më pas ndajeni në tri racione. Për darkë, përveç sallatës, konsumoni edhe 50 g mish të zier, apo një vezë.

Për mëngjes dhe para se të shtriheni për gjumë konsumoni një mollë, dardhë, apo banane.