web counter
LEXO PA REKLAMA!

SHKARKO APP

App Store
Google Play

Cështja’ Doshi’/ Pritet dëshmia e Berishës, Doshit dhe Frrokut në Prokurori

9 Mars 2015, 07:18, Aktualitet CNA

Në Prokurorinë e Krimeve të Rënda do të ketë ditën e sotme një sërë dëshmish në lidhje me rastin e deputetit të përjashtuar nga Partia Socialiste, Tom Doshi.  Dëshmia e parë pritet të merret në orën 09.00 nga ish-kryeministri Sali Berisha, i cili do të përgjigjet për deklaratën që dha nga Kuvendi, kur tha se e ka ditur tre muaj më parë për atentatin e mundshëm.

Megjithatë pritet të shihet nëse deputeti demokrat Berisha do të pranojë të paraqitet në organin e akuzës, çka do të shënonte përballjen e tij të parë me prokurorinë gjatë gjithë karrierës së tij politike.  Kjo pasi, Prokuroria e Krimeve të Rënda i ka çuar ftesë ish-kryeministrit në cilësinë e personit që ka dijeni për ngjarjen, që do të thotë se zoti Berisha nuk e ka të detyrueshme të paraqitet për dëshmi.

Në orën 11.00, sërish me ftesë të Prokurorisë, pritet edhe dëshmia e deputetit demokrat të Lezhës Mhill Fufi, për të cilin deputeti i përjashtuar nga PS Tom Doshi pretendon se ka qenë objektiv i atentatit të porositur nga Meta. Në reagimin e parë zyrtar mbi këtë çështje, Fufi tha se nuk kishte pasur asnjë informacion për planin e pretenduar nga Doshi.   Ndërkohë, në orën 12.00 pritet edhe përballja më e fortë, ballafaqimi i deputetit të larguar nga PS Tom Doshi dhe kolegut të Partisë Kristian Demokrate, njëherësh mikut të tij Mark Frroku.

Publikisht Doshi ka deklaruar se Mark Frroku ka qenë personi që i ka prezantuar Durim Bamin dhe e ka vënë në dijeni për atentatin ndaj tij, por kjo alibi është mohuar nga deputeti Mark Frroku, i cili para hetuesve ka mohuar gjithçka.





Lajmet e fundit nga