web counter
LEXO PA REKLAMA!

SHKARKO APP

App Store
Google Play

E fundit!

x

Konfindustria: Qeveria te ndale rritjen taksave

8 Mars 2015, 17:58, Aktualitet CNA

Konfindustria, duke marrë shkak nga fillimi i konsultimeve për buxhetin e vitit financiar 2016, do ti kërkojë ekzekutivit të përballojë trysninë e mundshme të Fondit Monetar Ndërkombëtar, për te mos lejuar shtimin e mëtejshëm te taksave dhe tatimeve, por të mbështetet në miradministrimin fiskal dhe reformat strukturore për zhvillim ekonomik.

?Politikat e deritashme, të mbështetura në rritje ngarkesës tatimore nëpërmjet 2 paketave fiskale të njëpasnjëshme, kanë prodhuar rezultate makroekonomike përgjithësisht jo të kënaqshme. Qeveria duhet të përballojë trysninë e mundshme, në radhë të parë të FMN-së, rrjedhim i marrëveshjes dypalëshe të vitit 2014, por dhe institucioneve ndërkombëtare partnere të tjera, për rritjen e taksave dhe tatimeve për vitin 2016?, deklaron Administratori i Përgjithshëm i Konfindustrisë Gjergj Buxhuku.

Sipas Konfindustrisë, ekonomia shqiptare me shmangie fiskale prej pothuaj 50% të PBB dhe vlerë absolute me të paktën 10 miliard $ jep mundësi të qarta për rritje të ardhurash në buxhet mbështetur vetëm në përmirësimin e miradministrimit nga institucionet shtetërore përgjegjëse shoqëruar me paketa fiskale lehtësuese.

?Konfindustria vlerëson, se rritja e mëtejshme e taksave do të prodhonte pasoja të padëshirueshme në: uljen e mëtejshme të fuqisë konkurruese të vendit për tërheqjen e investimeve të huaja; krijimin e kushteve për shtimin e mëtejshëm të shmangies fiskale; uljes së të ardhurave në buxhetin e shtetit; goditjes së pjesës së ndershme të biznesit dhe qytetarëve; uljes së konkurrencës së mallrave dhe shërbimeve vendore krahasimisht me mallrat dhe shërbimet e importuara?, bën të ditur Konfindustria.





Lajmet e fundit nga