web counter
LEXO PA REKLAMA!

SHKARKO APP

App Store
Google Play

Pasaktësia e adresave “saboton” punën e KQZ-së

8 Mars 2015, 11:34, Aktualitet CNA

Komisioni Qendror i Zgjedhjeve u ka bërë apel përmes mediave organizatave jofitimprurëse të çojnë pranë KQZ-së propozimet me jo më pak se 3 kandidatë për anëtarë të Bordit të Monitorimit të Medias, brenda datës 25 Mars.
Komisioni Qendror i Zgjedhjeve, në kuadër të ngritjes së Bordit të Monitorimit të Medias, i cili do të monitorojë fushatën zgjedhore, të 21 Qershorit 2015 i ka kërkuar Gjykatës së rrethit Gjyqësor të Tiranës, listën e organizatave jofitimprurëse të regjistruara, që operojnë në fushën e medias dhe që janë regjistruar të paktën 1 vit përpara datës së zgjedhjeve.

Pas marrjes së kësaj liste KQZ ka bërë njoftimet e këtyre organizatave, sipas emrit dhe adresës të përcaktuar në vendimin e regjistrimit në gjykatë, që të sjellin propozimet për anëtarë të Bordit të Monitorimit të Medias.
Pas dërgimit të njoftimit në adresat e marra në vendimet e gjykatës për regjistrimin e tyre, KQZ konstaton se një pjesë e organizatave jofitimprurëse nuk e kanë marrë njoftimin.
Konkretisht nga 64 organizata në total, 42 prej tyre nuk e kanë marrë njoftimin dhe sipas përgjigjes së Shërbimit të Postës Shqiptare, shkak i mos marrjes së njoftimit nga organizatat ka qenë fakti se adresat të cilat janë marrë nga vendimet e gjykatës nuk janë të sakta.





Lajmet e fundit nga