web counter
LEXO PA REKLAMA!

SHKARKO APP

App Store
Google Play

E fundit!

x

Spartak Ngjela: Ja tre pistat për përjashtimet dhe vrasjet e deputetëve

4 Mars 2015, 08:17, Aktualitet CNA

Avokati Spartak Ngjela ka hedhur tre pista kryesore lidhur me akuzat dhe kundërakuzat për vrasjen me porosi, për pagesat deri në 600 mijë euro për kokën e dy deputetëve, për përjashtimin e paralajmëruar të Tom Doshit dhe konfliktet e brendshme me mazhorancën. Si pistë kryesore, Ngjela ka hedhur një marrëveshje të mundshme ndërkombëtare, e pranuar nga kryeministri Edi Rama për goditjen e mafies në Parlament.

Nisur nga reagimi i shpejtë dhe i ashpër i faktorit ndërkombëtar, Ngjela flet për një marrëveshje të SHBA, BE dhe qeverisë shqiptare për goditjen e krimit në Parlament. ?Mund të jetë një marrëveshje e faktorit ndërkombëtar për të goditur ?mala vita?-n në Parlament, marrëveshje e cila është e pranuar edhe nga kryeministri Edi Rama. Marrëveshjes SHBA-BE, e pranuar nga qeveria. Fakti që ndërkombëtarët reaguan menjëherë, tregon se e kanë ditur.

Çështja është politike. Nuk është kaq e thjeshtë?, u shpreh Ngjela. Avokat Ngjela hedh një tjetër pistë e cila ka të bëjë me një konflikt të mundshëm mes vetë Ramës dhe Metës. Sipas kësaj piste, në emër të dekriminalizimit të Kuvendit, mundet që Rama të kërkojë largimin e Ilir Metës nga politika. ?Shenjat janë që mund të ketë konflikt mes Ramës dhe Metës, sepse kanë ngecur reformat. Pra, pas kësaj ngjarje mund të fshihet skenari për largimin e Metës nga politika?, u shpreh Ngjela. Pista e tretë që hedh Ngjela për të zbuluar qëllimin e vërtetë të përjashtimit të Tom Doshit nga grupi parlamentar socialist, është konflikti i mundshëm mes dyshes Rama-Doshi.

?Një tjetër pistë mund të jetë një konflikt i mundshëm mes vetë Ramës dhe Doshit. Konflikt i cili mund të vijë nga mos përgjigja e kërkesave ndaj Tom Doshit. Pse është prishur Rama dhe Doshi? Kjo nuk dihet. Kuptohet fare qartë që ka qenë një bisedë mes Ramës dhe Doshit për këtë çështje?, u shpreh Ngjela. Ndërkaq, sipas Ngjelës, konflikti mes Ramës dhe Metës vjen edhe në kuadër të zgjedhjeve lokale. ?Fakti që jemi në prag të zgjedhjeve, mund të ketë një konflikt në hije mes Ramës dhe metës. Çfarë mund të na sjellin këto zgjedhje? Rama nuk ka pushtet, shumë ligje kanë ngrirë. Kush është shkaku i reformave Doshi apo Meta?Parlamentarët që nuk kanë folur asnjëherë apo Meta? Rama ose s?ka vullnet për t?i bërë reformat ose nuk e lënë?, u shpreh Ngjela.

Fatos Klosi   Ish-kreu i Shërbimit Informativ Shtetëror, Fatos Klosi, duke komentuar çështjen ?Doshi?, është shprehur se akuzat e tij do të marrin vërtetësi vetëm nëse ato vërtetohen nga prokuroria. Por, këto akuza mund të jenë edhe shpifje, justifikim për të qenë në qendër të vëmendjes. ?Tom Doshi ka hedhur akuza për vrasjen e tij, por këto akuza duhet të vërtetohen nga prokuroria. Mua më vjen keq që shteti po merret me këto gjëra. Këto akuza mund të vijnë edhe për justifikim, mund të jenë sajime për të tërhequr vëmendjen. Njerëzit duan të jenë në qendër të vëmendjes për t?u bërë interesantë. E gjithë kjo më duket një furtunë në një gotë me ujë!?, u shpreh Klosi.





Lajmet e fundit nga