web counter
LEXO PA REKLAMA!

SHKARKO APP

App Store
Google Play

E fundit!

x

Pas Doshit nisin shkarkimet në Shkodër

3 Mars 2015, 07:11, Aktualitet CNA

Pas përjashtimit të deputetit Tom Doshi nga grupi parlamentar socialist, nuk ka vonuar nisja e valës së shkarkimeve në Shkodër. Kreu i Partisë Socialiste në Shkodër, Andi Halluni, mësohet se është shkarkuar nga ky post dhe në vend të tij është emëruar Gasper Volaj.

Halluni mbante edhe postin e drejtorit të OSHEE në Shkodër. Por, nga ana tjetër vetë Halluni ka mohuar një fakt të tillë.   ?Nuk kam asnjë komunikim zyrtar. Sapo jam ndarë me kryetaren e PS për Qarkun e Shkodrës. Shkarkimi mund të jetë i vërtetë, por nuk kam ende dijeni?, është shprehur Halluni. Duket se me shkarkimin e kreut të PS në Shkodër ka nisur vala e shkarkimeve, si shenjë hakmarrje ndaj Tom Doshit.

Pritet që të tjera shkarkime të ketë në ditët në vijim në strukturat drejtuese të bazës në Shkodër, individë të cilët kanë pasur mbështetjen e deputetit Tom Doshi. Por, a do t?i kushtojë në zgjedhjet lokale Partisë Socialiste përjashtimi i deputetit Tom Doshi nga partia, i cili është një figurë me peshë në Veri të vendit? Gjatë këtyre ditëve, Tom Doshi me akuzat e tij në drejtim të kryeministrit Edi Rama, u bë qendra e debatit dhe e diskutimeve në media dhe në selinë rozë.

Akuzat e tij janë mbështetur edhe nga zëra të ndryshëm në Shkodër. Edhe kreu i Komunës së Bërdicës në Shkodër, Besnik Brahimi, është shprehur se nuk e mbështet më qeverinë e Ramës.   Sipas tij, kryeministri nuk ka mbajtur asnjë premtim të dhënë për këtë komunë, duke e quajtur atë të pabesë dhe mashtrues.

Sipas gazetes “Sot’, Brahimi ka thënë se Rama dhe qeveria e tij nuk meritojnë asnjë votë nga qytetarët. Madje, vetë Tom Doshi ka deklaruar se ka shumë deputetë brenda grupit parlamentar socialist që e mbështesin atë dhe deputetin Ben Blushi. Doshi beson se në ditët vijim do të ketë të tjerë zëra që do të shtohen kundër performancës së qeverisë dhe mosmbajtjes së premtimeve nga kryeministri Edi Rama.

 





Lajmet e fundit nga