web counter
LEXO PA REKLAMA!

SHKARKO APP

App Store
Google Play

E fundit!

x

Borxhi, rritet me 4.3 pikë përqindje ndaj PBB

2 Mars 2015, 22:35, Aktualitet CNA

Borxhi publik i vendit arriti në 69.15% në fund të vitit 2014.
Sipas të dhënave nga Ministria e Financave, gjatë vitit të shkuar kalendarik borxhi është rritur me 4.3 pikë përqindje ndaj Prodhimit Kombëtar. Rritja e borxhit ka ardhur kryesisht si rrjedhojë e njohjes e nisjes së procesit të shlyerjes së detyrimeve të prapambetura ndaj sektori privat.
Stoku i borxhit në 31 Dhjetor preku vlerën e afro 978 miliardë lekëve, nga 885 miliardë lekë që kishte qënë në fund të 2013. Borxhi vazhdon të jetë i financuar kryesisht në tregun e brendshëm, me 58% të totalit, ndërsa sipas maturimit vazhdon rritja e ngadaltë e peshës specifike të borxhit afatgjatë.
Aktualisht, borxhi me maturim më të gjatë se një vit zë 49.24% e totalit të borxhit dhe vazhdon të fitojë terren, edhe me rekomandimin e institucioneve të specializuara ndërkombëtare, duke qënë se kohëzgjatja e maturitetit mesatar të borxhit sjell ulje të rrezikut të rifinancimit.
Sistemi financiar vendas është financuesi kryesor i borxhit të qeverisë shqiptare, por edhe gjatë vitit 2014 vazhdoi ulja e ekspozimit të bankës raiffesein, në 17% të stokut të borxhit të brendshëm, nga 22.55% që kishte qënë në fund të vitit 2013.
Pjesa e bankës ?Raiffeisen? po merret gradualisht nga ?Banka Kombëtare Tregtare?, që në Dhjetor zinte 16.7% të borxhit të brendshëm dhe nga fondi i investimeve ?Raiffeisen Prestigj”, që zinte 9.3% të totalit.





Lajmet e fundit nga