web counter
LEXO PA REKLAMA!

SHKARKO APP

App Store
Google Play

E fundit!

x

Politika e gabuar sjell ilaçin e gabuar!

1 Mars 2015, 17:57, Aktualitet CNA

Nga Jorida TABAKU

Dielli duket që në lindje, thotë një shprehje popullore. Për fat të keq shqiptarët sot kanë një qeveri e cila nuk është e verbër por nuk dëshiron të shohë atë që është më se e qartë. Politikat e gabuara fiskale dhe klientelizmit i qeverisë ka sjellë si pasojë:

1. Rënien e tatimit mbi fitimin, i cili u rrit nga 10%-15%, në masën 61% ose 614 milion lekë më pak. Pra, janë mbledhur 50% më pak se sa në kohën kur taksa ishte 50% më pak.

2. Tatimin mbi të ardhurat personale, ra në krahasim me vitin e shkuar, me 32.2%.

3. Të Ardhurat nga Pushteti Vendor janë mbledhur 32% më pak se sa viti 2014 dhe 297 milionë lekë më pak se sa plani për muajin Janar 2015.

4. Taksat mbi biznesin e vogël, të cilat qeveria i centralizoi që në buxhetin 2014, jo vetëm që kanë një mosrealizim me 98% në krahasim me vitin e shkuar por janë 355 milionë lekë më pak se sa viti 2013. Kur kjo taksë administrohej nga PV, pra mblidhej nga ky i fundit.

5. Rritje ka patur zëri i Sigurimeve Shoqërore, dhe kjo rritje vjen si pasojë e faljes së kamatëvonesave.

6. Pikërisht kjo rritje e fundit ka sjellë që diferenca mes faktit dhe planin për Janarin 2015 të ishte vetëm 4.6%

7. Zëri i shpenzimeve vazhdon të tregojë një përbuzje ndaj shtresave të prekura. Ndihma Ekonomike ka një mosrealizim prej 75% në krahasim me atë çfarë është programuar. A mos vallë sot ka më pak shqiptarë që kanë nevojë për ndihmë ekonomike?!

8. Të përndjekurit politik nuk kanë asnjë farë trajtimi special për këtë vit, mbase qeveria do t?i shpërndajë ndonjë cikërrimë në muajt në vijim ndonëse u pat premtuar shumë.

9. Qeveria ka marrë hua shuma të mëdha me justifikimin se do të shlyejë kreditë e prapambetura biznesit. Në janar të këtij viti miratoi dhe një VKM, por buxheti i Janar 2015 tregon se ajo shumë e detyrimeve që duhej shlyer nuk është përmbushur. Janë shlyer vetëm 24% në krahasim me atë që ishte programuar.

Pasojat ekonomike të politikave fiskale e jo vetëm raportohen edhe në të dhënat e INSTAT. Ministri i Ekonomisë pretendoi se ka një rritje tek raporti mes Importit dhe Eksportit. Por, shifrat flasin ndryshe:

Në muajin Janar 2015 eksportet e mallrave u ulën me 0,6 % në krahasim me Janar 2014 dhe 8,0 % në krahasim me Dhjetor 2014. Ndërkohë që importet e mallrave u ulën me 0,2 % në krahasim me Janar 2014 dhe 35,6 % në krahasim me Dhjetor 2014. E si pasojë, Deficiti Tregtar është rritur në krahasim me Janarin 2014, me 0.3%.

Mbase për qeverinë, një përqind më pak apo më shumë pas presjes nuk përbën ndonjë diferencë, por për jetën dhe mirëqenien e qytetarëve kjo përbën. Aq më tepër kur niveli i varfërisë është në një pikë kritike.





Lajmet e fundit nga