Artan Fuga: Përse jam me gazetarin Cim Peka dhe kundër Unionit të Gazetarëve!

19 Shkurt 2015, 10:46, Opinione CNA

Nga Artan Fuga

Në këtë marrëdhënie të tensionuar të ditëve të fundit ku Unioni i heq veshin gazetarit Cim Peka se ka shkelur etikën duke pasur tone e përmbajtje të lartë emocionale në emisionin ?Opinion?, unë personalisht jam absolutisht me Cim Pekën dhe absolutisht kundër Unionit të Gazetarëve.

? Sepse nuk e di nëse ku Union ekziston realishte dhe është i anagazhuar edhe për qindra probleme të tjera të rënda dhe të trishtuara që kanë gazetarët, sidomos gazetarët e rinj. Pse me Cim Pekën e gjetën të afirmohen në publik.

? Sepse do të doja një reagim nga Unioni kundër ndonjë politikani, shtetari, bosi të medias, që fyen dhe torturon profesionalisht dhe moralisht gazetarët, por jo një arbitrazh mes dy gazetarësh a analistësh në një emision televiziv ku përderisa nuk ankohet drejtuesi i emisionit, s?ka përse i dalin zot të tjerët, sepse fyejnë edhe emisionin vetë dhe drejtuesin e tij.

? Une e shoh me ndërprerje pjesë ? pjesë ose edhe rrallë emisionin ?Opinion?, pa e gjykuar as mirë as keq atë, thjesht jam në angazhimet e mia dhe shoh shumë pak televizor, por mesa kam venë re atje ka debate shumë të nxehta. Eshtë nje zgjedhje e bërë, si një ring. Dhe në një ring nuk ka kuptim t?i thuash tjetrit përse më gjuajte me grusht, sikundër mund t?i thuash dikujt se përse më shtyn në autobuz.

? Sepse në tektin e Unionit tê Gazetarëve edhe citati i Volterit nuk ishte vendosur në thonjëza, pra nuk ishte raportuar në mënyrë profesionale, aq më shumë në mënyrë të deformuar, dhe kjo nuk tregon nivel profesional.

? Sepse Cim Peka është një gazetar opozitar dhe në çdo rast dhe me cdo qeveri, pavarësisht ngjyrave politike, Unioni i gazetarëve duhet të ketë kujdes dhe t?i mbrojë e jo t?i sulmojë këta gazetarë sepse kjo është detyra e tij. Përpara sesa t?i kritikojë, mund ta nisë me mbrojtësit e pushtetit sepse atëher tregon dinjitet dhe qytetari. Përndryshe duket si servil, edhe në mos qoftë.

-Sepse Unioni ka bërë spektakël duke e publikuar qendrimin në media, spektakël i pastër, kurse mund t?a kishte këshilluar Cim Pekën me një letër personale, me një bisedë miqësore, etj.

Mos abuzojmë me emra agjencish për t?i dhënë kredibilitet një qendrimi që nuk pikën e moralit profesional.

Duke thënë këto, unë sigurisht nuk kam asgjë kundër Unionit të Gazetarëve, sikundër kundër cdo Unioni tjetër, as kundër drejtuesitt të tij që e vlerësoj me sqimë personale si një pendë që shkruan me kulturë dhe ka stil të thantë kur do ta ketë, e vlerësoj pra fort, sikundër nga larg, pa e njoh më pëlqen gazetaria e butë, por e vendosur, dhe me logjikë e Cim Pekës.