E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Lazarat, policia asgjeson 60 mijë rrënjë dhe 10 ton kanabis sativa te ambalazhuar

17 Qershor 2014, 22:17, Aktualitet CNA

Policia e Shtetit, gjatë ditës së sotme vijoi operacionin e ndërmarrë për asgjesimin e sipërfaqeve të kultivuara me bimë narkotike, duke asgjësuar rreth 60 mijë rrënjë kanabis, dhe rreth 10 ton marijuanë

Burime nga Policia e Shtetit ka bëjnë të ditur se Policia ka vijuar punën edhe për vënien para përgjegjësisë ligjore të personave që gjatë këtyre ditëve kanë kundërshtuar dhe qëlluar me armë forcat e Policisë së Shtetit, si dhe vendosjen e rendit e të sigurisë publike në Lazarat

Gjatë ditës së sotme forcat e Policisë së Shtetit kanë ushtruar kontroll në territorin përreth 30 banesave në fshatin Lazarat, ku janë gjetur sasi të konsiderueshme bimë narkotike të kultivuara, boçe kanabisi, si dhe makineri për presimin e kanabisit. Nga shërbimet e policisë në zonën e kontrolluar janë asgjësuar rreth 60 mijë rrënjë bimë narkotike:Rreth 15 mijë rrënjë kanabis në oborret e banesave; Rreth 15 mijë fidanë gati për tu mbjellë në oborret e banesave, si dhe rreth 30 mijë rrënjë bimë narkotike me një lartësi nga 35-40 cm në tokat e komunës.Po ashtu është gjetur një sasi prej rreth 10 ton kanabis sativa e ambalazhuar në thasë, e cila është asgjësuar përmes djegies në vend, si dhe është marrë mostër në cilësinë e provës për ekzaminim.

Ndërkohë në banesën e shtetasit Xhezo Mahmutaj (vëllai i Gate Mahmutaj) u gjet një laborator për përpunimin e lëndës narkotike, u sekuestruan një sërë pajisjesh, sasi të konsiderueshme lëndësh nakotike, si dhe u gjetën të kultivuara bimë kanabis sativa. Një laborator është gjetur dhe në objektet e Gate Mahmutaj të vëna nën kontroll nga forcat e policisë gjatë ditës së djeshme.

Në terren u angazhuan rreth 800 forca policore të Drejtorisë së Përgjithshme të Policisë së Shtetit, Drejtorisë së Policisë së Qarkut Gjirokastër, forcave speciale RENEA, forca të FNSH-së së Fierit, Shkodrës dhe Tiranës, si dhe të Delta Forcë në Vlorë. Po ashtu janë përfshirë dhe shërbime të tjera speciale të Drejtorive të Policisë së Qarqeve të tjera, si forcat elitë të shërbimeve të Tiranës, Shkodrës etj. Këto forca janë të mbështetura nga mjete të posaçme.

Nga forcat e policisë sot u vijua me depërtimin hap pas hapi për në brendësi të fshatit Lazarat, duke ushtruar kontroll në territoret e banesave, tokave përreth tyre dhe në tokat e komunës. Gjatë këtij procesi nga një grup kriminal është vijuar të qëllohet me armë nga brendësia e fshatit Lazarat në drejtim të forcave të policisë.