web counter
LEXO PA REKLAMA!

SHKARKO APP

App Store
Google Play

E fundit!

x

Risi me Inteligjencën Artificiale / Çfarë do të sjellë “Apple” në iOS 18?

7 Maj 2024, 22:28, Tech CNA

Risi me Inteligjencën Artificiale / Çfarë do të

Në një deklaratë të fundit, CEO i “Apple”, Tim Cook ka përshkruar se si Inteligjenca Artificiale (IA) do të përmirësojë përvojën e përdoruesve nëpërmjet një sërë veçorish të reja.

Një nga pikat kyçe të fokusuara do të jetë në përmirësimin e asistentit virtual të “Apple”, “Siri”.

Përveç aftësisë për të analizuar dhe përmbledhur mesazhet nga aplikacioni i mesazheve, “Siri” pritet të ketë një përqasje më inteligjente dhe të avancuar në ofrimin e informacionit dhe ndihmës për përdoruesit.

Në “Safari” për “iOS 18”, pritet të shtohet një funksion i quajtur "Intelligent Search", i cili do të lejojë përdoruesit të përmbledhin faqet e internetit në një mënyrë më inteligjente dhe efikase.

Kjo do të ndihmojë në përmirësimin e eksperiencës së shfletimit për përdoruesit e pajisjeve të “Apple”.

Për të mundësuar këto përmirësime të IA, “Apple” ka zhvilluar një softuer të quajtur "Ajax", i cili pritet të mbështesë funksionet e reja dhe të ofrojë një përparim në performancën e pajisjeve të tyre.

Megjithatë, disa përpjekje më komplekse do të kërkojnë konsultim me serverët e “Apple” për të siguruar përgjigje të sakta dhe të detajuara.

Ndërkohë, raportet thonë se “Apple” është në bisedime me kompani të tjera si “Google” dhe “OpenAI” për të përmirësuar përdorimin e Inteligjencës Artificiale tek “iPhone”.

Kjo ka potencialin për të sjellë inovacione të mëtejshme në fushën e Inteligjencës Artificiale dhe për të përmirësuar përvojën e përdoruesve të iPhone.

Përveç ofrimit të funksioneve të reja të AI, “Apple” po punon gjithashtu në përmirësimin e privatësisë së përdoruesve.

Megjithatë, detajet konkrete për këtë pritet të shpallen në konferencën vjetore të “Apple”, që pritet të mbahet në muajt e ardhshëm./ CNA





Lajmet e fundit nga