E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

ZYRTARE/ Duro shkarkohet nga drejtimi i Lushnjës, zbulohet kush e zëvendëson

18 Tetor 2022, 13:11, Sport CNA

ZYRTARE/ Duro shkarkohet nga drejtimi i Lushnjës, zbulohet kush e

Klodian Duro nuk është më trajner i Lushnjës. Rezultatet negative në 6 javët e para, kanë sjellë edhe shkarkimin e trajnerit nga Elbasani.

Kjo është bërë e ditur nga vetë kryebashkiakja e Lushnjës, Eriselda Sefa, e cila njëkohësisht njofton se drejtimi i skuadrës i është besuar dyshes Hasalla-Gazheli.

POSTIMI I ERISELDA SEFA:

Futbolli për Lushnjën dhe lushnjarët është kaq shumë i dashur dhe me ndjeshmëri të madhe.

Kjo është arsyeja kryesore përse pranoj dhe mirëkuptoj të gjithë shqetësimin e opinionit publik mbi rezultatet jo në nivelin e pritshmërisë që kishim në këtë fillim sezoni, duke shtuar këtu edhe përgjegjësinë publike dhe ligjore që kam para taksapaguesit lushnjar !

Jemi përpjekur , brenda mundësive financiare ( shpesh në fakt të fryra në media) t’i krijojmë kushtet e nevojshme ekipit ( edhe në infrastrukturë) për të qënë konkurent i denjë për pjesen e sipërme të tabelës së klasifikimit!

Edhe vendimi për të marrë në krye të stolit një emër të njohur të futbollit shqiptar si Klodian Duro, kishte në fokus këtë objektiv.

Mirëpo pas 6 ndeshjesh të luajtura, për fat të keq, skuadra rënditet në vendin e parafundit me 5 pikë, dhe ky është padiskutim një tregues që na shqetëson!

Ndaj, pikërisht për shkak të mungesës së rezultateve, kemi vendosur të ndërpresim bashkëpunimin me trajnerin Klodian Duro, të cilin e vlerësoj për përpjekjet për të dhënë më të mirën e tij në krye të #Lushnjës!

Shpresoj shumë që ky ndryshim të reflektohet sa më shpejt në rezultatet e skuadrës, e cila do të drejtohet në këtë periudhë nga dyshja Hasalla-Gazheli deri sa të kemi një vendim përfundimtar!

Dua të garantoj tifozët e mrekullueshëm të Lushnjës, të cilët e kanë mbështetur ekipin fort edhe në këtë sezon, se çdo vendimmarrje në lidhje me ekipin e futbollit ka brenda edhe zërin e tyre.