web counter
LEXO PA REKLAMA!

SHKARKO APP

App Store
Google Play

ZYRTARE/ Dejvi Bregu largohet nga Dinamo, prezantohet te skuadra e re

10 Korrik 2026, 11:34, Sport CNA

ZYRTARE/ Dejvi Bregu largohet nga Dinamo, prezantohet te skuadra e re


Sulmuesi anësor shqiptar, Dejvi Bregu, ka arritur marrëveshjen me klubin Al Zulfi, duke nisur zyrtarisht një etapë të re në futbollin e Arabisë Saudite.

Lajmi u konfirmua përmes kanaleve zyrtare të klubit saudit, i cili garon në kategorinë e dytë. Bregu është prezantuar si përforcimi më i ri i skuadrës, pasi ka ndërprerë bashkëpunimin me ekipin e Dinamos në Shqipëri.

Sipas njoftimit të lëshuar nga drejtuesit e Al Zulfi, futbollisti shqiptar ka nënshkruar një kontratë fillestare të vlefshme për një sezon. Në marrëveshjen e arritur mes palëve është përfshirë edhe një klauzolë që specifikon të drejtën e rinovimit të kontratës edhe për një sezon shtesë, në varësi të performancës dhe objektivave të përbashkëta.

Synimi kryesor i vendosur nga stafi teknik dhe klubi për këtë vit mbetet sigurimi i pikëve të nevojshme për të pretenduar ngjitjen në elitën e futbollit saudit.

Ajo që ka tërhequr vëmendjen ka qenë mënyra e zgjedhur për prezantimin publik të lojtarit. Departamenti i marketingut të klubit arab ka përdorur teknologjinë e inteligjencës artificiale për të përshtatur një nga skenat e serialit të njohur televiziv "House of the Dragon". Më konkretisht, videoja e prezantimit është bazuar në momentin e zbutjes së një prej dragonjve të sagës, të quajtur "Sheepstealer". Kjo video u shoqërua edhe me një mesazh zyrtar ku shkruhej se zbutja e këtij personazhi nuk kishte qenë e vështirë, duke bërë një paralizëm me afrimin e lojtarit.

Me këtë lëvizje, Bregu shton një tjetër përvojë ndërkombëtare në karrierën e tij profesionale, pas angazhimeve të mëparshme në disa kampionate. Përshtatja e tij e shpejtë me metodat e stërvitjes në Arabinë Saudite do të jetë kyçe për ecurinë e skuadrës në ndeshjet e radhës të kampionatit.





Lajmet e fundit nga