web counter
LEXO PA REKLAMA!

SHKARKO APP

App Store
Google Play

E fundit!

x

Vetëm 1 pikë larg Dinamos, Gvozdenoviç tregon ecurinë me Skënderbeun: Jemi emër i madh në Shqipëri

20 Shkurt 2023, 09:31, Sport CNA

Vetëm 1 pikë larg Dinamos, Gvozdenoviç tregon ecurinë me

Ivan Gvozdenoviç po bën një punë mjaft të mirë në stolin e Skënderbeut. Trajneri serbi i mori bardhekuqtë nga vendi i 7-të në renditje dhe aktualisht gjendjen në vendin e dytë, me një pikë më pak se Dinamoja kryesuese. Në një lidhje direkte me emisionin “Ora Sport”, Gvozdenoviç ka treguar përshtypjet e tij për ecurinë e Skënderbeut në Kategorinë e Parë, ndërsa merita u jep edhe presidentit e lojtarëve.

“Për momentin jam shumë mirë. Kam qenë këtu edhe 4-5 vite si lojtar, ndërsa tani si trajner. Kam luajtur këtu 3 vite. Korça është në zemrën time. Tani fillova edhe si trajner i parë në Korçë. Po ecin shumë mirë. Ishim në vendin e 7-të ose të 8-të, nuk jam i sigurt, tani jemi në vendin e 2-të. Nuk është vetëm prej meje, por edhe prej presidentit. Ka sjellë lojtarë të mirë. Edhe lojtarët kanë bërë punën e vet. Jemi në rrugën e duhur. Gjithçka është e hapur.

Bashkimi i serbëve dhe shqiptarëve përmes futbollit? Ky është sport dhe kjo është e bukur nga sporti. Ne në sport jemi bashkë. Kam shumë besim. Kam grup të mirë. Skënderbeu është klub i madh në Shqipëri, është emër i madh. Dinamo është skuadër e fortë, edhe Flamurtari gjithashtu. Kategoria e Parë është e bukur. Do luftoj deri në fund. Të gjitha më pëlqejnë në Korçë. Isha dje në Voskopojë dhe atje ishte shumë bukur. Korça është shumë e bukur. Shqipja? Akoma nuk jam shumë mirë, po përmirësohem", ka deklaruar Ivan Gvozdenoviç.

 





Lajmet e fundit nga