web counter
LEXO PA REKLAMA!

SHKARKO APP

App Store
Google Play

E fundit!

x

11 gola këtë sezon, Shqipëria mund të gjejë një "bomber" në Itali

19 Shkurt 2023, 23:04, Sport CNA

Sulmuesi shqiptar, Silvio Merkaj është abonuar me golin në Serinë C italiane. 25-vjeçari gjeti rrugën e rrjetës me fanellën e Entelës në duelin ndaj Montevarçit që përfundoi me rezultatin e pastër 3-0.

Merkaj hapi serinë e golave në minutën e 48, duke u treguar i saktë nga pika e bardhë e penalltisë. Ky ishte goli i 11-të në kampionat për sulmuesin shqiptar që është shndërruar në një bomber të vërtetë te skuadra e Entelës, që kërkon ngjitjen në Serinë B.

Viti 2023 duket se do të jetë viti i Merkaj, pasi deri tani ka arritur të realizojë 7 gola në vetëm 2 muaj të këtij viti kalendarik.

Me këtë ecuri të frikshme, gjasat janë të mëdha, që sezonin e ardhshëm, 25-vjeçari shqiptar, të bëjë hapa të rëndësishme ne karrierë, duke u transferuar në nivele më të larta të futbollit.

Nderkohe Medon Berisha dhe Eljon Toçi janë kthyer në protagonistë kryesorë në kampionatin e të rinjve në Itali, duke udhëhequr skuadrat përkatëse drejt fitoreve e duke u konfirmuar si bomberë të vërtetë të tyre.

Berisha ka qenë ai që ka vulosur një sukses shumë të rëndësishëm 2-1 të Leçes në fushën e Sampdorias, pasi me një gol të shënuar me goditje dënimi në shtesë i ka dhënë fitoren ekipit të tij. Goli i 8 në kampionat për mesfushorin e talentuar kishte një vlerë shumë të rëndësishme pas e ngjiti Leçen të vetme në vendin e parë në klasifikim, të shkëputur nga ndjekësit.

Ndërkaq, hapa të rëndësishëm në renditje ka bërë edhe Fiorentina Eljon Toçit. Ky i fundit ka shënuar golin e vetëm në fitoren 1-0 të skuadrës përballë Kaljarit, duke e kthyer në vendin e 4-t në klasifikimin e kampionatit të të rinjve, në zonën play-off për titullin. Për sulmuesin e U21 të Shqipërisë, ky ishte goli i 6 në këtë kampionat.





Lajmet e fundit nga