E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Milani ndryshon strategji merkatoje? Klauzola “Dybala” është e mundur… para Zaniolos!

19 Shkurt 2023, 22:14, Sport CNA

Sezoni i Milanit ka pasur ulje-ngritjet e tij gjatë muajve të fundit. Rënia e fillimit të vitit 2023 tashmë duket se ka kaluar edhe pse per ta konfirmuar duhet edhe te arrihet nje fitore ne ndeshjen e javes se ardhshme ndaj Atalanta-s!

Ndryshimi i skemes se formacionit, kalimi në mbrojtjen me 3 lojtarë dhe suksesi ndaj Tottenham-it kanë ngritur humorin e skuadrës së Pioli-t që tashmë synon ta mbyllë sezonin në mënyrën më të mirë të mundshme.

Por vëmendja e drejtuesve të klubit është edhe te merkato e ardhshme e verës me idenë për të përforcuar shumë një ekip që ka shfaqur disa probleme në më shumë se një rast.

Dhe ka një ëndërr të madhe për vitin e ardhshëm, e cila në fakt mund të ndryshojë fytyrën e kuqezinjve. Emri i Paulo Dybala mbetet aty, në dritare.

Një sugjerim që u ndoq prej kohësh në verën e vitit 2022 dhe që tani, një vit më vonë, rrezikon të rishfaqet, por me një epilog krejtësisht të ndryshëm.

Sepse Milan-i nuk pushon së menduari për Dybala dhe ka një çështje që, në këtë kuptim, mund të favorizojë sulmin për t’i dhënë Pioli-t talentin argjentinas. Kuqezinjtë duhet të merren me të ardhmen e Brahim Diaz. Milan-i ka të drejtën e blerjes, e përcaktuar nga Real Madrid në 22 milionë euro për muajin qershor.

Spanjolli, një protagonist i madh me golin e fitores ndaj Tottenham-it, më pas mund të blihet nga Merengues për një shifër pak më të lartë (rreth 27 milionë). Reflektimet janë duke u zhvilluar dhe në rast se Maldini vendos të mos vërë më bast për Brahim Diaz, atëherë Milan-i do të hidhej në sulm për Paulo Dybala-n.

Prandaj, 22 milionë euro të destinuara për lojtarin në pronësi të Real Madridit do të devijoheshin në Romë për të paguar klauzolën e lirimit në kontratën e përcaktuar nga ‘Joya’ verën e kaluar me klubin verdhekuq. Situata në zhvillim, por Maldini mund t’i çmendë tifozët dhe të synojë me vendosmëri blerjen e argjentinasit në verë.