web counter
LEXO PA REKLAMA!

SHKARKO APP

App Store
Google Play

Tre lojtarë gjejnë golin, katër japin asiste. Si u paraqitën legjionarët

23 Shkurt 2026, 16:03, Sport CNA

Tre lojtarë gjejnë golin, katër japin asiste. Si u paraqitën

Fundjava që lamë pas solli paraqitje shumë pozitive për futbollistët shqiptarë që aktivizohen jashtë vendit, me disa prej tyre që u bënë protagonistë direktë në rezultatet e skuadrave respektive falë golave dhe asisteve.

Në MLS, Myrto Uzuni e nisi sezonin me gol me Austin FC, duke shënuar në minutën e 76-të në sfidën ndaj Minnesota United dhe duke i dhënë skuadrës së tij avantazhin e përkohshëm 2-1.

Gol realizoi edhe Anis Mehmeti, i cili gjeti rrjetën për herë të parë me fanellën e Ipswich. Sulmuesi shënoi në minutën e 20-të në transfertë ndaj Wrexham.

Në Belgjikë, Arbnor Muja vulosi fitoren 4-1 të St. Truiden në transfertë ndaj Dender, me një gol në minutën e 87-të pas një goditjeje nga distanca.

Kontribut me asiste dhanë disa kuqezinj të tjerë. Kristjan Asllani shërbeu për golin e dytë në suksesin 4-0 ndaj Goztepe. Qazim Laçi asistoi në golin e dytë në fitoren 2-0 ndaj Kocaelispor, ndërsa Nedim Bajrami dha asist për golin e parë të Rangers në barazimin 2-2 ndaj Livingston.

Formën e mirë po e konfirmon edhe Ernest Muçi, i cili regjistroi një tjetër asist, këtë herë në golin e parë në fitoren 2-1 në transfertë ndaj Gaziantep.

Titullarë me ekipet e tyre këtë javë ishin edhe Thomas Strakosha, Mario Mitaj, Arlind Ajeti, Ylber Ramadani, Juljan Shehu, Arbër Hoxha, Jasir Asani, Taulant Seferi dhe Rey Manaj, ndërsa nga stoli u aktivizuan Berat Gjimshiti, Ardian Ismajli dhe Adrion Pajaziti.





Lajmet e fundit nga