web counter
LEXO PA REKLAMA!

SHKARKO APP

App Store
Google Play

E fundit!

x

Tifozët i dalin kundër, Vinicius merr vendimin e papritur

21 Dhjetor 2025, 16:32, Sport CNA

Tifozët i dalin kundër, Vinicius merr vendimin e papritur

Ajo që duhej të ishte një ndeshje e zakonshme në “Santiago Bernabeu” u shndërrua në një moment kyç në raportin mes Vinicius Junior dhe Real Madridit. Tifozët këtë herë reaguan hapur kundër sulmuesit brazilian, duke e fishkëllyer në mënyrë të dukshme. Një sinjal i fortë që rihap diskutimet mbi të ardhmen e numrit 7 në kryeqytetin spanjoll.

Ngjarja ndodhi në minutën e 83-të të takimit ndaj Sevillas. Në momentin kur u shfaq tabela elektronike për zëvendësimin e tij, nga tribunat erdhi një valë fishkëllimash.

Vinicius, i cili në këtë ndeshje mbante shiritin e kapitenit për shkak të mungesave të Carvajal dhe Valverde, përshkoi fushën për t’ia dorëzuar shiritin portierit Courtois. E gjithë kjo u shoqërua nga reagimi i ashpër i publikut, i cili shënoi një nga momentet më të vështira të tij që nga ardhja te Real Madridi.

Arsyet e pakënaqësisë së tifozëve lidhen me disa faktorë. Një prej tyre është mungesa e golave, pasi Vinicius nuk ka shënuar prej 17 ndeshjesh, duke përfshirë takimet me klubin dhe me kombëtaren braziliane. Një tjetër element i përmendur është sjellja e tij në fushë dhe jashtë saj, si dhe episode të mëparshme. Në fushë, lojtari zgjodhi të mos reagojë, duke u përshëndetur shkurt me trajnerin Ksabi Alonso përpara se të ulej në stol.

Menjëherë pas ndeshjes, reagimi i Vinicius u zhvendos në rrjetet sociale. Sulmuesi ndryshoi foton e profilit në Instagram, duke hequr imazhin me fanellën e Real Madridit dhe duke e zëvendësuar me një foto me fanellën e Brazilit.

Paralelisht, ai publikoi një postim me shiritin e kapitenit, i shoqëruar vetëm nga tre pika, pa asnjë shpjegim tjetër. Ky veprim u interpretua gjerësisht si një sinjal pakënaqësie dhe nxiti zëra për një ndarje të mundshme.





Lajmet e fundit nga