web counter
LEXO PA REKLAMA!

SHKARKO APP

App Store
Google Play

E fundit!

x

Rabiot: Leao të mos humbasë kohë, duhet pasion dhe dëshirë

8 Tetor 2025, 18:15, Sport CNA

Rabiot: Leao të mos humbasë kohë, duhet pasion dhe

Adrien Rabiot ka pasur një ndikim të menjëhershëm pas mbërritjes te Milani nga Marseille në orët e fundit të merkatos. I kërkuar posaçërisht nga trajneri Massimiliano Allegri, me të cilin kishte punuar edhe te Juventus, mesfushori francez është bërë menjëherë titullar duke sjellë fizikalitet dhe përvojë në qendër të fushës.

Në një intervistë për “Gazzetta dello Sport”, Rabiot theksoi se Milani ka cilësitë për të luftuar për titullin dhe se ai është aty për të ndihmuar të rinjtë me eksperiencën e tij.

Francezi foli edhe për bashkëlojtarët Mike Maignan dhe Luka Modric, të cilët i konsideron modele për përkushtimin e tyre në futboll. Ai komentoi gjithashtu situatën e Rafael Leaos, i cili është përballur me kritika për qëndrimin e tij në fushë, duke theksuar se në moshën 26-vjeçare nuk ka më kohë për të humbur dhe duhet të vendosë se sa larg dëshiron të shkojë.

“Leao duhet të kuptojë se ku dëshiron të arrijë dhe të mos humbasë kohë. Ka talent, por duhet të ketë edhe pasion dhe dëshirë për t’u përmirësuar”, ka theksuar Rabiot.

Pas ndeshjes me Juventusin, Allegri zhvilloi një përballje të drejtpërdrejtë me Leaon në dhomat e zhveshjes, ku e qortoi për mungesë përqendrimi dhe intensiteti. Nuk ka pasur konflikt të vërtetë, por një mënyrë e trajnerit për ta motivuar lojtarin. Leao është aktualisht me kombëtaren dhe pritet të rikthehet në Milanello më 15 tetor, ku stafi shpreson ta shohë me një qasje më të fortë.





Lajmet e fundit nga