web counter
LEXO PA REKLAMA!

SHKARKO APP

App Store
Google Play

Përmbysje epike! Sporting kualifikohet në çerekfinale, dorëzohet Bodo/Glimt

17 Mars 2026, 21:29, Sport CNA

Përmbysje epike! Sporting kualifikohet në çerekfinale,

Sportingu i Lisbonës ka shënuar një nga përmbysjet më epike në historinë e Champions League, duke eliminuar norvegjezët e Bodo/Glimt pas një fitoreje 5-0 në ndeshjen e kthimit, për të kaluar me rezultatin e përgjithshëm 5-3.

Pas humbjes 3-0 në sfidën e parë, portugezët arritën të përmbysin gjithçka në kohën shtesë, duke u kualifikuar në çerekfinale për herë të parë që nga viti 1963/64.

Ndeshja nisi me një presion të lartë nga "Luanët", ku Trincão humbi dy raste të arta në fillim. Megjithatë, ishte mbrojtësi Gonçalo Inácio ai që hapi siparin e golave me një gjuajtje me kokë pas një goditjeje këndi në minutën e 30-të.

Norvegjezët kishin shansin e tyre të artë me Bjortuft, por topi goditi dy herë shtyllën në mënyrë të pabesueshme.

Në pjesën e dytë, Sporting rriti ritmin dhe në minutën e 61-të, Pedro Gonçalves ngushtoi diferencën e përgjithshme në vetëm një gol pas asistit të Luis Suárez.

Kur ndeshja po i drejtohej fundit, një ndërhyrje e VAR-it akordoi penallti për prekje të topit me dorë nga Bjorkan, të cilën Suárez e shndërroi në gol, duke barazuar shifrat e përgjithshme në 3-3.

Në kohën shtesë, Sporting nuk u ndal. Maximiliano Araujo përmbysi gjithçka duke shënuar golin e katërt, ndërsa talenti Rafael Nel vulosi rezultatin 5-0 në minutat e fundit.





Lajmet e fundit nga