web counter
LEXO PA REKLAMA!

SHKARKO APP

App Store
Google Play

Mbappe si “mallkim”, pesë trajnerë të larguar

13 Janar 2026, 18:03, Sport CNA

Mbappe si “mallkim”, pesë trajnerë të larguar

Në gjashtë vitet e fundit, karriera e Kylian Mbappe në nivel klubesh është shoqëruar me ndryshime të shpeshta në stolin e skuadrave ku ai ka aktivizuar.

Nga viti 2020 e deri më sot, sulmuesi francez ka punuar me disa trajnerë të ndryshëm, si te PSG, ashtu edhe te Real Madridi, duke përjetuar një cikël të vazhdueshëm ndërrimesh në drejtimin teknik.

Rasti më i fundit lidhet me largimin e Xabi Alonsos nga pankina e Real Madridit. Trajneri spanjoll qëndroi vetëm shtatë muaj në krye të ekipit, ndërsa humbja e Superkupës së Spanjës ndaj Barcelonës u konsiderua si ndeshja e fundit e tij në drejtimin e “Los Blankos”.

Pas këtij rezultati, klubi vendosi të ndërpresë bashkëpunimin me teknikun, duke hapur rrugën për një ndryshim të ri në stafin drejtues.

Nga ana e tij, Mbappe reagoi përmes rrjeteve sociale me një mesazh lamtumire, ku vlerësoi bashkëpunimin me Alonson. Megjithatë, për sulmuesin francez, ndryshimet në pankinë nuk janë një risi.

Në gjashtë vitet e fundit, ai ka punuar me gjashtë trajnerë të ndryshëm, një shifër që tregon një frekuencë të lartë ndërrimesh në drejtimin teknik.

Konkretisht, që nga viti 2020, Mbappe ka pasur si trajnerë Thomas Tuxhel, Maurisio Pocchettino, Galtier, Luis Enrique, Carlo Ancelotti dhe së fundmi Xabi Alonso.

Nga këta emra, vetëm Luis Enrique arriti të qëndrojë në detyrë pa u larguar gjatë periudhës së bashkëpunimit me sulmuesin francez. Pesë trajnerët e tjerë u shkarkuan ose u larguan nga detyra për arsye të ndryshme.

Kjo situatë përkthehet në pesë ndryshime trajnerësh brenda gjashtë viteve, një tregues i paqëndrueshmërisë në stafet teknike të skuadrave ku Mbappe ka qenë pjesë.

Pas largimit të Alonsos, Real Madridi i ka besuar drejtimin e ekipit Alvaro Arbeloas, i cili ishte në drejtimin e të rinjve.





Lajmet e fundit nga