LEXO PA REKLAMA!

SHKARKO APP

“Kristiano Ronaldo nuk do të ndikojë në lojën tonë, Zvicra s’ka limite”, Granit Xhaka: Zero frikë nga Portugalia

6 Dhjetor 2022, 09:49, Sport CNA

“Kristiano Ronaldo nuk do të ndikojë në lojën

Granit Xhaka është aktiv edhe jashtë futbollit. Më 18 nëntor ai ka themeluar shoqërinë “Jucan × Xhaka”, e cila është licencuar vetëm dje në Lucernë. Nuk dihet ende profili i saktë, por do të ketë lidhje me modën, e me saktësisht me industrinë e tekstileve të përdorura për pasarela.

Ndërkohë, kapiteni i Zvicrës dje ka dalë në konferencë për shtyp në kuadër të takimit të sotëm në orën 20:00 kundër Portugalisë. 30-vjeçari është i bindur në mundësitë e helvetëve, sidomos pas fitores bindëse kundër Serbisë, ku ai ishte qendra e provokimeve të serbëve.

“Ajo ndaj Serbisë ishte një ndeshje me shumë emocione, por nervozizmi, adrenalina dhe gëzimi janë pjesë e futbollit. Të premten zhvilluam një ndeshje të shkëlqyer, e dinim se Serbia ishte shumë e rrezikshme, por pavarësisht vështirësive, ishte një fitore e merituar. Sidoqoftë, ajo ka kaluar dhe kemi punuar shumë për sfidën e radhës”.

PA FRIKË – Portugalia është një rival i madh, për më tepër që në organikën e saj ka Kristiano Ronaldon. Portugezi ka shënuar tetë herë në Kupën e Botës dhe të gjithë kanë ardhur në fazën e grupeve.

Ai ende nuk e ka gjetur rrjetën në asnjë nga gjashtë paraqitjet e tij në fazën me eliminim direkt për Portugalinë në Kupën e Botës, pavarësisht se ka luajtur 514 minuta dhe ka regjistruar 25 tentativa për gol. Xhaka nuk i druhet sulmuesit dhe askujt te luzitanët.

“Kur kemi nisur këtë aventurë nuk kemi vendosur kufij apo objektiva. Dëshira jonë është që të avancojmë sa më shumë. Jemi të lumtur për gjithçka kemi bërë, por nuk duam të ndalemi me kaq.

Synojmë t’i krijojmë probleme Portugalisë dhe jemi të bindur se mund t’ia dalim”, deklaroi Granit Xhaka gjatë konferencës së djeshme për shtyp krah trajnerit Murat Jakin.

Lajmet e fundit nga