web counter
LEXO PA REKLAMA!

SHKARKO APP

App Store
Google Play

Sulmi terrorist në Moskë, Gjermania vendos për Europianin

28 Mars 2024, 12:02, Sport CNA

Sulmi terrorist në Moskë, Gjermania vendos për Europianin

Gjermania ka vendosur marrjen e masave të rrepta të sigurisë për Europianin. Shteti gjerman i frikësohet ndonjë akti terrorist gjatë kompeticionit dhe për këtë arsye, do të kryejnë kontrolle të rrepta sigurie në të gjithë zonën kufitare të shtetit.

Kështu u shprehën ministrja e Brendshme, Nancy Feser, dhe Kancelari gjerman Olaf Scholz. Faeser dhe Scholz thonë se këto kontrolle do t'i mbajnë të sigurtë të gjithë të pranishmit nëpër qytetet e Gjermanisë, gjatë ditëve të Europianit.

"Ne do të kryejmë kontrolle në të gjithë kufijtë e Gjermanisë gjatë turneut evropian të futbollit në mënyrë që të parandalojmë autorët e mundshëm të dhunës dhe terrorit që të hyjnë në vend".

 “Kjo është e nevojshme për të siguruar mbrojtjen më të mirë të mundshme për këtë ngjarje madhore ndërkombëtare. Siguria është një prioritet yni dhe këto kontrolle nuk janë të pazakonta pasi janë një ‘instrument i provuar’ më parë”.

Faeser tha se kontrolli kufitar do të fokusohet në kërcënimin e terrorizmit islamik, ekstremistëve, huliganëve dhe kriminelëve të tjerë të dhunshëm. Masat do të përfshijnë gjithashtu sigurinë e rrjetit kundër sulmeve kibernetike. Ajo shpjegoi se kërcënimi i terrorit është i lartë. Gjermania, megjithatë, nuk lëshon nivele alarmi terrori siç bëjnë vendet e tjera. 

Këto masa vijnë edhe pas sulmit terrorist në Moskë dhe gjermanët frikësohen, nga një rrezik i njëjtë. 





Lajmet e fundit nga