web counter
LEXO PA REKLAMA!

SHKARKO APP

App Store
Google Play

Garë e ashpër për kreun dhe mbijetesën, si ndryshon renditja në Superiore

25 Janar 2026, 18:52, Sport CNA

Garë e ashpër për kreun dhe mbijetesën, si ndryshon renditja

Java e 21-të e Superiores dhuroi rivalitet të fortë, ndeshje të luftuara dhe rezultate që ndikuan drejtpërdrejt në renditje, duke e bërë edhe më interesante garën për kreun.

Vllaznia doli fituese nga supersfida ndaj Partizanit, duke triumfuar 1-0 në stadiumin “Loro Boriçi”. Ky sukses i ngjiti shkodranët në vendin e parë të renditjes me 39 pikë, po aq sa Egnatia, e cila mban vendin e dytë.

Në Ballsh, Bylisi dhe Egnatia ndanë nga një pikë pas barazimit 2-2, në një ndeshje të luftuar dhe me ritëm të lartë, ku të dyja skuadrat treguan forcë në fazën sulmuese.

Fitore të rëndësishme arriti edhe Tirana, e cila mposhti Flamurtarin 1-0 në stadiumin “Selman Stërmasi”, duke konfirmuar momentin pozitiv dhe duke siguruar tre pikë të vlefshme në vazhdimësinë e kampionatit.

Barazim 1-1 u regjistrua në përballjen mes Teutës dhe Vorës, një ndeshje e ekuilibruar ku të dyja skuadrat arritën të marrin pikë në një duel të luftuar deri në fund.

Java u mbyll në “Elbasan Arena” me fitoren e Elbasanit ndaj Dinamos 2-0, një sukses shumë i rëndësishëm për verdheblutë ndaj një kundërshtari direkt. Elbasani mban vendin e tretë në renditje me 38 pikë, një më pak se Vllaznia dhe Egnatia.

RENDITJA:

Garë e ashpër për kreun dhe mbijetesën, si ndryshon renditja

 





Lajmet e fundit nga