web counter
LEXO PA REKLAMA!

SHKARKO APP

E fundit!

x

Të dielën zgjedhjet lokale në 5 bashki të vendit/ Sot heshtje zgjedhore

8 Nëntor 2025, 08:42, Politikë CNA

Të dielën zgjedhjet lokale në 5 bashki të vendit/ Sot

Ditën e nesërme, datë 9 nëntor 2025, do të zhvillohen zgjedhjet e pjesshme lokale në 5 bashki të vendit.

Konkretisht do të zhvillohen zgjedhjet në bashkitë e Vlorës, Tepelenës, Matit, Cërrikut dhe Beratit.

Në zgjedhjet e së dielës do të votojnë 334 mijë e 539 votues.

Fushata zgjedhore në 5 bashkitë e vendit që do të votohet është mbyllur ditën e djeshme dhe e shtuna është heshtje zgjedhore.

Në Vlorë, kandidatja e PS-së Brunilda Mersini do të përballet me Dionis Sotën, i mbështetur nga PD, dhe me Gjergj Nikën.

Në Berat, Ervin Ceca (PS) do të ketë përballë Pavlo Shkarpën.
Në Mat, garojnë Altin Bojni (PS), Suzana Pasha si kandidate e pavarur, dhe Eduart Brahilika, i mbështetur nga opozita.

Në Cërrik, përballë kandidatit socialist Florenc Doka do të jenë Amarildo Hoxha (i pavarur, me mbështetje nga PD) dhe Eligert Hima nga “Lëvizja Shqipëria Bëhet”.

Në Tepelenë, kandidati socialist Gramoz Sako sfidohet nga i pavaruri Gabriel Guma, i mbështetur nga opozita./CNA





Lajmet e fundit nga