web counter
LEXO PA REKLAMA!

SHKARKO APP

App Store
Google Play

PS mbyll fushatën në Cërrik/ Balla: Votoni kandidatin socialist Florenc Doka

7 Nëntor 2025, 21:13, Politikë CNA

PS mbyll fushatën në Cërrik/ Balla: Votoni kandidatin socialist

Partia Socialiste ka mbyllur fushatën elektorale për bashkinë e Cërrikut, ku ishte i pranishëm dhe kreu i grupit parlamentar të Partisë Socialiste, Taulant Balla. Ky i fundit bëri thirrje që më 9 nëntor të votohet për kryetar bashkie kandidati socialist, Florenc Doka. Sipas Ballës, Partia Socialiste dhe Edi Rama, janë alternativa e vetme e duhur për bashkinë e Cërrikut.

“Nuk ishte rastësi që kryeministri Rama zgjodhi Andisin që të vinte dhe të bënte shembullin e bashkisë Cërrik si një shembull për të gjitha bashkitë. As sot nuk kemi gabuar, përkundrazi jam shumë krenar që një shokun tim socialist të vjetër e kemi si kandidatin tonë. Florenci do të qeverisë bashkinë jo vetëm në vitin që nisim, por do të jetë një kandidat i yni, pse jo edhe në 2027, me kushtin që të qeverisë po aq mirë sa Andisi.

Kur të shkosh te fleta e votimit, mendo Edi Ramën, Partinë Socialiste, Shqipërinë 2030 dhe shko te i treti, i vërteti. Dy të tjerët nuk bëjnë. Janë kot. Nuk e di pse janë aty. U kam thënë, u thosha kur ishim për zgjedhjet: Asnjë nga ata nuk bën. As Saliu nuk bën, as Llapi nuk bën, asnjë nuk bën,” u shpreh Balla.

Kandidati socialist do të garojë të dielën për drejtimin e bashkisë Cërrik përballë Eligert Himës nga Lëvizja Shqipëria Bëhet dhe kandidatit të pavarur që mbështetet nga opozita, Amarildo Hoxha. /CNA





Lajmet e fundit nga