web counter
LEXO PA REKLAMA!

SHKARKO APP

App Store
Google Play

E fundit!

x

Ligji për barazinë gjinore/ Spahia: Nuk ka asnjë lidhje me procesin e integrimit në BE

7 Nëntor 2025, 20:39, Politikë CNA

Ligji për barazinë gjinore/ Spahia: Nuk ka asnjë lidhje me

Deputeti i Partisë Demokratike, Bardh Spahia është shprehur mbrëmjen e sotme se ligji për barazinë gjinore, i votuar dje në Kuvend, nuk ka lidhje me procesin e integrimit në Bashkimin Europian.

Spahia u shpreh në një intervistë për Syri Tv, se 21 prej vendeve të Bashkimit Europian nuk e kanë këtë ligj. Ai shtoi se së fundmi Sllovenai dhe Hungaria së fundmi kanë bërë të kundërtën e Shqipërisë, dhe janë shprehur për njohjen e vetëm dy gjinive.

"Ne e kemi theksuar vazhdimisht gjatë gjithë kësaj periudhe të shqyrtimit të këtij projektligji, që tanimë u kthye që mbrëmë në ligj, faktin që nuk ka asnjë lidhje me procesin e integrimit në Bashkimin Europian për Shqipërinë. Mjafton të përmendim faktin që janë 21 vende të Bashkimit Europian që nuk e kanë këtë ligj.

Të rikujtojmë për qytetarët edhe faktin që shtete si Sllovenia apo Hungaria së fundmi, kanë bërë të kundërtën e këtij ligji. Janë shprehur qartazi për njohjen e vetëm dy gjinive, për të treguar që nuk ka aspak lidhje me procesin e integrimit europian dhe nuk është kusht. Pasi proceset e integrimit europian rregullohen kryesisht nëpërmjet direktivave që Bashkimi Europian lëshon. Dhe ne i kemi studiuar me vëmendje direktivat e Bashkimit Europian për barazinë gjinore. Ne i kemi nxjerrë madje, i kemi evidentuar.

Në këto direktiva përdoren vetëm tre nocione. Dhe konkretisht, ‘Equality between women and men’, pra barazia midis grave dhe burrave. ‘Gender equality’, barazi gjinore në kuptimin binar: burrë dhe grua. ‘Equal treatment in employment, occupation and pay’. Pra, trajtimi i barabartë në punë, profesion dhe paga.

Dhe gjithmonë i referohet qartazi kuptimit binar, pra të njohjes së vetëm dy gjinive: burrë dhe grua. Në asnjë prej këtyre direktivave të Bashkimit Europian nuk përdoren termat që përdoren në ligjin aktual shqiptar, ku kryesoret janë, përkatësi, termat përkatësi e dyfishtë, e cila përsëritet 25 herë pothuaj në çdo nen të ligjit. Gjini gjithëpërfshirëse dhe variantet e saj, të cilat përsëriten rreth 10 herë në këtë ligj. Apo burrat dhe gratë në gjithë diversitetin e tyre dhe ky term përsëritet rreth 10 herë në të gjitha nenet e këtij ligji.

Janë të gjitha terma ideologjik, majtist, të një kulture Woke, axhende Woke, e cila për hir të së vërtetës synon transformimin e shoqërive. Ne jemi njohur me këto axhenda që herët, ku patën një sponsorizim të fuqishëm nga Soros dhe shoqëritë e tij, por që aktualisht në të gjithë botën dhe veçanërisht në Amerikë po marrin një goditje të jashtëzakonshme", u shpreh Spahia. /CNA





Lajmet e fundit nga