web counter
LEXO PA REKLAMA!

SHKARKO APP

App Store
Google Play

Situata në Lindjen e Mesme/ Kroacia merr masa për frenimin e rritjes së çmimit të naftës dhe benzinës

9 Mars 2026, 16:25, Kosova & Bota CNA

Situata në Lindjen e Mesme/ Kroacia merr masa për frenimin e rritjes

Kryeministri kroat Andrej Plenkoviç ka njoftuar ditën e sotme vendosjen e një limiti në çmimet e benzinës dhe naftës në Kroaci, ndërsa lufta në Lindjen e Mesme ka sjellë probleme për furnizimet me naftë në të gjithë botën.

"Sot, ne do të marrim masa për të kufizuar rritjen e çmimeve të energjisë dhe për të mbrojtur standardet e jetesës së qytetarëve kroatë", tha kryeministri gjatë një mbledhjeje urgjente të kabinetit.

Plenkoviç tha gjithashtu se qeveria e tij do të vendosë një kufizim çmimesh duke filluar nga e marta, duke e bërë Kroacinë një nga vendet e para të Bashkimit Evropian që do të përpiqet të frenojë rritjen e çmimeve të karburanteve.

Kufiri i çmimit për naftën do të vendoset në 1.55 euro, duke shmangur një rritje që do ta çonte çmimin në 1.72 euro. Kufiri i çmimit për benzinën do të mbetet në 1.50 euro, kundrejt një rritjeje të mundshme në 1.55 euro.

Çmimet e naftës sot tejkaluan 100 dollarë për fuçi për herë të parë që nga pushtimi i Ukrainës nga Rusia në fund të shkurtit 2022, pasi ato u rritën nga bllokada e Ngushticës së Hormuzit, e cila po ringjall shqetësimet në lidhje me furnizimet globale me naftë. /CNA





Lajmet e fundit nga