web counter
LEXO PA REKLAMA!

SHKARKO APP

App Store
Google Play

E fundit!

x

Meloni, në rezidencën e Trump-it/ Çfarë fshihet nga ky takim i papritur?

5 Janar 2025, 14:31, Kosova & Bota CNA

Meloni, në rezidencën e Trump-it/ Çfarë fshihet nga ky

Giorgia Meloni mbërriti në Mar-a-Lago në orën 19:29 me orën lokale, pasi avioni u ul në Champino, në aeroportin e Palm Beach. Vizita u mbajt e fshehtë. Në Florida, Melonin e priste presidenti i zgjedhur i SHBA, Donald Trump.

Pamjet e para nga takimi treguan kryeministren Meloni, presidentin Trump dhe në krah të tyre, Senatori i Floridës, Marco Rubio i emëruar Sekretar Shteti nga Trump, Kongresmeni i Floridës, Mike Waltz, i emëruar këshilltar për sigurinë kombëtare, Scott Bessent, i emëruar sekretar i Thesarit, ambasadorja italiane në SHBA, Mariangela Zappia dhe sipërmarrësi nga Teksasi, Tilman Fertitta, emëruar ambasador i SHBA në Itali.

Në këtë takim nuk u pa miliarderi Elon Musk, por ai mund të ketë luajtur një rol në organizimin e takimit.

Gjatë takimit, Trump ka vlerësuar Meloni-n si “një grua fantastike”, duke iu drejtuar të pranishmëve në sallën e pritjes. “Me të vërtetë e pushtoi Europën”, ishin fjalët e Trump. Ndërsa Marco Rubio, duke i uruar mirëseardhjen kryeministres italiane, më pas e përkufizoi atë: Një aleate e shkëlqyer, një lidere e fortë.

Më pas, Trump, Meloni, Rubio, Watz dhe Bessent u ulën në audiencë dhe deri në orën 22.20 të mbrëmjes morën pjesë në premierën e dokumentarit “Eastman Dilema” mbi zgjedhjet e 2020, ku sistemi gjyqësor akuzohet se ka shënjestruar konservatorët si Jon Eastman, avokati i Trump i cili humbi kualifikimin e tij për të ushtruar profesionin në gjykatat e shtetit të Kalifornisë dhe u konsiderua bashkëspunëtor në padinë federale të ngritur kundër Trump për përpjekjet e tij për të penguar certifikimin e zgjedhjes së Joe Biden.

Bisedimet për rastin e Cecilia Sala

Takimi i Melonit me Trump do të ishte gjithashtu një mundësi për të folur për rastin e Cecilia Sala, një gazetare italiane nga Il Foglio dhe Chora Media e cila është arrestuar nga Irani që prej 19 dhjetorit, si dhe për çështje të tjera që janë të përzemërta për Italinë dhe Europën, si tarifat dhe lufta në Ukrainë.

"New York Times" shkroi në mbrëmje: Irani ka arrestuar vazhdimisht të huaj dhe individë me shtetësi të dyfishtë për t’i shkëmbyer me para dhe njerëz të tjerë. Një person i informuar për takimin deklaroi se Meloni ka këmbëngulur në çështjen e Sala. Ajo u arrestua në 19 dhjetor 2024 dhe mbahet në izolim në burgun Evin, ndërkohë që ende nuk është ngritur ndonjë akuzë ndaj saj. Arrestimi i gazetares mendohet se ka lidhje me prangosjen me urdhër të SHBA në Milano në 16 dhjetor të Abedini Najafabani me akuzën se kishte mbështetur Pasdaran të Teheranit në blerjen e pajisjeve teknologjike që montohen në dronët e përdorur nga Garda Revolucionare; në veçanti sistemin e navigimit të modelit të dronit që më 28 janar 2024 vrau 3 ushtarë amerikanë në një postë jordaneze dhe plagosi 38 persona të tjerë. Për këtë arsye, SHBA-të arrestuan edhe Mahdi Mohammad Sadeghi, një inxhinier iranian, rasti i të cilit është i lidhur ngushtë me atë të Abedinit, ndërsa i kërkon Italisë ekstradimin e iranianit, i cili rrezikon burgim të përjetshëm.

Takimi mes Melonit dhe Trump zhvillohet pesë ditë përpara vizitës së presidentit në largim Joe Biden, presidentit aktual amerikan, në Romë dhe dy javë para inaugurimit të Trump në Shtëpinë e Bardhë.

Pas darkës dhe takimit me Trump, Giorgia Meloni u largua nga Shtetet e Bashkuara për t’u kthyer në Romë. Sipas faqes së internetit Flightradar24, avioni i kryeministrit italian u nis pak pas orës 23:00 me orën lokale (pesë të mëngjesit sot në Itali) nga aeroporti Palm Beach./Corriere





Lajmet e fundit nga