LIVE ANGLI-SHBA/ Amerikanët ndalen te tranversa, pjesa e parë mbyllet pa gola (VIDEO)

2022-11-25 20:50:20, Sport CNA

Do të startojë në orën 20:00, dueli mes Anglisë dhe SHBA-së i vlefshëm për Grupin B të Botërorit të Katarit. “3 Luanët” e Sauthgejt, do të tentojnë të vijojnë ecurinë pozitive pas triumfit 6-2 në ndeshjen e parë ndaj Iranit.

Ndërkohë në krahun tjetër SHBA-ja vjen në këtë duel pas barazimit 1-1 në ndeshjen e parë ndaj Uellsit. Një triumf i mundshëm i Anglisë do t’i siguronte kualifikimin për në fazën pasardhëse. Për sa i përket formacioneve zyrtare, trajneri Sauthgejt i beson sulmin treshes Saka-Stërling-Kejn, teksa formacioni është i njëjtë si ndaj Iranit.

Ndërkohë në krahun tjetër amerikanët përgjigjen me treshen, Ueah-Pulisiç-Rajt. Vlen të theksohet se Anglia e njeh mirë SHBA-në, me të cilët do të përballet në fazën e grupeve të një Botërori për herë të tretë këtë vit, pas atyre në 1950-ën dhe 2010-ën.

Është hera e parë që ishullorët do të ndeshen tri herë me një skuadër në fazën e grupeve të një Kupe Bote. Ata kanë fituar 8 nga 11 ndeshjet kundër SHBA-së (1 barazim, 2 humbje), por që të teta këto suksese kanë qenë në ndeshje miqësore.

LIVE ANGLI-SHBA 0-0

KOMENTI LIVE:

45’+2’ Mbyllet pjesa e parë me barazimin pa gola.

45’+1’ Maunt ka një rast të pastër për të shënuar teksa merr një pasim perfekt nga Sterling, por gjuajtja e tij ndalet nga Tërner.

43’ Përsëri Dest nga e djathta, këtë herë harkon për Pulishiç i cili gjuan me kokë, pa gjetur portën angleze.

41’ Depërtim nga e djathta i Dest i cili arrin deri në zonën kundërshtare por pastaj tentativa e tij ndalohet nga mbrojtësit britanikë.

33’ TRAVERSË! Aksion i shpejtë i amerikanëve dhe Pulishicc tenton nga e majta duke gjetur traversën e portës së Pikford.

26’ MekKeni ka mundësinë e artë për të kaluar në avantazh SHBA kur pas një aksioni nga e djathta gjuan i vetëm në zonë, por çon topin mbi traversë.

16’ Mundohet edhe SHBA të krijojë diçka me një harkim nga e djathta që gjen Rajt, por gjuajtja e këtij të fundit me kokë në shtyllën e parë përfundon jashtë.

12’ Janë anglezët që kanë iniciativën dhe tentojnë të krijojnë raste para portës së amerikanëve. Të cilët duken të tërhequr në këto minuta.

10’ Kejn jep shkëndijën e parë të ndeshjes pas shumë minutash studime. Në fundin e një aksioni me një takim, ai gjuan në portë pas asistit të Saka, pro gjen devijimin e një mbrojtësi

1′ Nis dueli që mund të përcaktojë një të kualifikuar në turin tjetër.