web counter
LEXO PA REKLAMA!

SHKARKO APP

App Store
Google Play

Regjistrohet viktima e parë në botë nga gripi i shpendëve

2023-04-12 12:02:00, Kosova & Bota CNA
Regjistrohet viktima e parë në botë nga gripi i shpendëve
Foto ilustruese

Një grua 56-vjeçare kineze është viktima e parë e nëntipit të gripit të shpendëve H3N8, i cili rrallë shfaqet te njerëzit, njoftoi Organizata Botërore e Shëndetësisë.

Gruaja kineze nga provinca jugore e Guangdong është personi i tretë në botë deri më tani që është infektuar me nëntipin e gripit të shpendëve H3N8.

Dy rastet e mëparshme të infektimit njerëzor me gripin H3N8 u regjistruan në Kinë vitin e kaluar.

Sipas OBSH-së, gruaja kineze, infeksioni i së cilës u konfirmua në fund të marsit të këtij viti, kishte sëmundje të tjera dhe ra në kontakt me shpendët.

Organizatat Botërore e Shëndetësisë sqaron se ky virus fatmirësisht nuk ka aftësinë të përhapet lehtësisht nga një person tek tjetri.

“Në bazë të informacionit të disponueshëm, duket se ky virus nuk ka aftësinë të përhapet lehtësisht nga personi në person dhe për këtë arsye rreziku i përhapjes së tij midis njerëzve në nivel kombëtar, rajonal dhe ndërkombëtar konsiderohet i ulët”, thuhet në deklaratrë.

Monitorimi i të gjithë viruseve të gripit të shpendëve konsiderohet i rëndësishëm duke pasur parasysh aftësinë e tyre për të evoluar dhe shkaktuar një pandemi./ CNA.al





Lajmet e fundit nga