web counter
LEXO PA REKLAMA!

SHKARKO APP

App Store
Google Play

Aksident i rëndë në Rumani/ Autobusi po ecte me shpejtësi, ndërron jetë një person, plagosen disa persona

2022-12-23 18:38:00, Kosova & Bota CNA

Aksident i rëndë në Rumani/ Autobusi po ecte me shpejtësi,

Një aksident i rëndë me pasojë vdekjen e një personi dhe plagosjen e disa personave ka ndodhur në qytetin e Bukureshtit në Ruamani.


Sipas mediave autobusi po transportonte turistë grekë drejt kryeqytetit të Bukureshtit ndërkohë që nga shpejtësia e lartë autobusi ka devijuar nga rruga dhe është përplasur  me një një tra metalik.


Njoftimi i Ministrisë së Jashtme greke në lidhje me aksidentin


Sipas informacioneve nga Ambasada e Greqisë në Bukuresht, sot në kryeqytetin rumun ka ndodhur një aksident ku u përfshi autobusi turistik me 47 pasagjerë grekë dhe një shofer grek.

Me njoftimin e Departamentit të Emergjencave të Ministrisë së Brendshme të Rumanisë, 24 nga pasagjerët u dërguan në spitalet lokale për të marrë ndihmën e parë.

3 persona janë të shtruar në spital në gjendje të rëndë.

Fatkeqësisht ka ndërruar jetë një pasagjer autobusi.

Pasagjerët e tjerë janë transferuar në një hotel.

Një ekip i Ambasadës së Greqisë në Bukuresht ka shkuar menjëherë në vendngjarje dhe më pas në spitalet ku po trajtohen shtetasit grekë të lartpërmendur.

Gjithashtu, zyrtarë të ambasadës qëndrojnë në spitale për të ofruar të gjithë ndihmën e mundshme për të lënduarit.

Ministria e Punëve të Jashtme i shpreh ngushëllimet më të thella familjes dhe të afërmve të të ndjerit dhe i uron shërim të shpejtë të lënduarve.

Ministria e Jashtme është në komunikim të vazhdueshëm me Ambasadën e Greqisë në Bukuresht dhe po monitoron situatën.

Numrat e kontaktit të Ministrisë së Punëve të Jashtme (Shërbimi Kriptografik) për çdo informacion përkatës janë: 210 368 1730, 210 368 1350./ CNA.al

 





Lajmet e fundit nga