web counter
LEXO PA REKLAMA!

SHKARKO APP

App Store
Google Play

E fundit!

x

Nga armëmbajtja pa leje te thirrjet urryese/ Mesila Doda publikon dënimet e Belerit, pyetja për opozitën

19 Shtator 2023, 11:09, Aktualitet CNA
Nga armëmbajtja pa leje te thirrjet urryese/ Mesila Doda publikon
Deputetja Mesila Doda

Deputetja Mesila Doda ka publikuar dënimet e kryebashkiakut të zgjedhur të Himarës, Fredi Beleri.

Në emisionin "Opinion" me Blendi Fevziun, Doda ka treguar fotografi dhe dëshminë e penalitetit të Belerit.

Doda publikoi një imazh ku Fredi Beleri është shfaqur me flamurin e Vorio-Epirit në sfond në daljet e tij publike, shoqëruar dhe nga Vangjel Dule.

Gjithashtu bëri me dije se Beleri është dënuar nga Gjykata e Athinës për armëmbajtje pa leje, “thirrje për urrejtje nacionaliste” dhe “poshtërim të Republikës e simboleve të saj”.

Për të gjitha këto, deputetja Mesila Doda thekson se Beleri nuk ka bërë asnjë ditë burg.

“Unë kam këtu disa foto të Fredi Belerit, vazhdimisht përgjatë viteve. Këtu e ke bashkë me Vangjel Dulen, edhe këtu e keni bashkë me Vangjel Dulen. Janë me flamurin e Vorio-Epirit po të flas! Meqenëse thamë ishte rast i shkëputur. Ja ku e kemi këtu, le t'i nxjerrin dhe në Parlament këtë foto. Kam dhe shumë të tjera, ua jap dhe zotërinjve. Këto janë raste që tregojnë se këto janë recidivistë dhe kjo nuk është një gjë e rastësishme, kjo është një strategji që të mbjellë pikërisht këtë idenë e përçarjes dhe idenë se “prit se neve ta hapim dhe të rikthehemi te protokolli i Korfuzit.” Kjo është çështja e parë”, tha Doda.

Nga ana tjetër i ka drejtuar një pyetje dhe opozitës se si mund të kandidonte me një emër të tillë që ka thënë gjëra poshtëruese për Shqipërinë.

“Ai ishte kandidati më i mirë ky zotëria?! Sot kam hapur deklaratën për dekriminalizimin, i ka të gjitha të shkruara se doli para pak ditësh zoti Dule dhe tha se ai e ka dëshminë e penalitetit të pastër. Ndërkohë e ka këtu, jam dënuar thotë me 18 muaj burgim, 3 vjet kusht nga Gjykata e Apelit në Athinë për armëmbajtje pa leje dhe 3 vjet burg nga 2006 për thirrje për urrejtje nacionale, poshtërimi i Republikës dhe simboleve të saj, parashkruar me vendim të gjykatës dhe e thotë që nuk kam bërë asnjë ditë burg. Dhe kjo është arsyeja pse nuk lirohet sepse ky ikën, e ka shkruar vetë mor zotëri.

Për këto vepra penale nuk kam kryer asnjë ditë burg thotë. A ka mundësi që një personazh i tillë me gjëra kaq poshtëruese për Shqipërinë duhet të zgjidhet kandidat jo i një grupi njerëzish, por një force të opozitës. A e kuptoni për ça po flasim, për një forcë që ka lindur me çështjen kombëtare?!”, është shprehur Mesila Doda./ CNA





Lajmet e fundit nga