web counter
LEXO PA REKLAMA!

SHKARKO APP

App Store
Google Play

Arrestimi i zjarrvënësve/ Rama, apel gjykatësve: Mos vazhdoni avazin e vjetër

23 Gusht 2023, 16:06, Aktualitet CNA

Arrestimi i zjarrvënësve/ Rama, apel gjykatësve: Mos vazhdoni

Kryeministri Edi Rama ka përgëzuar Policinë e Shtetit, e cila ka arrestuar të gjithë personat që kanë ndezur zjarre të qëllimshme duke rrezikuar shtëpitë dhe jetën e njerëzve që jetojnë në zonat ku është vënë zjarri.

Pas arrestimit të autorëve që ndezën zjarrin në pyllin në Laç, Rama u ka bërë thirrje gjykatësve në rrethe që të mos vazhdojnë avazin e vjetër të mosndëshkimit të krimit barbar, i cili në Kodin Penal dënohet me 15 vite burg.

“Një bravo e madhe për Policinë e Shtetit që këtë verë u është qepur këmba-këmbës zjarrvënësve, duke arritur t’i kapë dhe çojë prapa hekurave, si në rastin e kriminelëve që i vunë zjarrin pyllit në Laç, për të cilët përsëris, si për gjithë të arrestuarit e tjerë, apelin në adresë të gjykatësve në rrethe, që të mos vazhdojnë me avazin e tyre të vjetër të mosndëshkimit të një krimi barbar si ky, i cili në Kodin Penal të Republikës së Shqipërisë dënohet deri 15 vjet burg.

Një falënderim i përsëritur për trupat e Agjencisë së Mbrojtjes Civile, e cila e ka rritur ndjeshëm nivelin e performancës gjatë këtij sezoni turistik, duke e mbrojtur me profesionalizëm e shpirt sakrifice pasurinë e paçmueshme natyrore dhe ulur në mënyrë të konsiderueshme dëmet potenciale të këtyre krimeve të neveritshme në verbërinë, shpirtligësinë, marrëzinë e tyre”, shkruan Rama./ CNA





Lajmet e fundit nga