“Rama nuk la vend për kontestim”/ Gjoni: Basha dhe Kryemadhi të japin dorëheqjen

27 Prill 2021, 18:21, Politikë CNA

Deputeti Ralf Gjoni është shprehur se Edi Rama i ka fituar zgjedhjet duke mos lënë asnjë hapsirë për kontestim. Në një postim në rrjetet sociale ai tha se PD ka humbur thellë dhe sipas tij, kreudemokrat Lulzim Basha duhet të japë dorëheqjen.

Më tej, Gjoni u shpreh se kryetarja e LSI, Monika Kryemadhi duhet të jap dorëheqjen pasi sipas tij është e paaftë për ruajtur një parti që bashkëshorti ia la.

Gjonaj shprehet se Ilir Meta duhet të mbajë fjalën dhe të largohet nga posti më i lartë i shtetit, duke theksuar se në të tilla momente duken burrat dhe unë për të tillë e kam pas njohur.

?Duam apo s?duam, Partia Socialiste & Edi Rama i kanë fituar zgjedhjet parlamentare qartazi dhe pa lënë asnjë hapësirë për kontestim. Me trishtim më duhet t?i them ?Good Luck?!

Partia Demokratike e Shqipërisë ka humbur rëndë, për të disatën herë, pa mundur të frymëzojë atë bashkësi të madhe shqiptarësh të inatosur me arrogancën e korrupsionin e rilindjes.

Lëvizja Socialiste për Integrim ka një shtrydhje ulëritëse deri në avullim të partisë, e cila i kishte të gjitha shanset para 4 vjetësh të kontribuonte në koalicion për Shqipërinë e të rritej si lëvizje. E si mund të ndodhte ndryshe???

Ky rezultat duhet lexuar me shumë kujdes nga të gjithë ne opozitarët e vërtetë, dhe me përgjegjësi maksimale prej atyre që i humbën këto zgjedhje.

Kjo do të thotë pikë së pari që Luzlim Basha i humbës për të katërtën herë (3 herë në garë e 1 herë në tavolinë) duhet të japë dorëheqjen menjëherë, pa vonesa e të largohet si një aktor i paaftë politik e si një i përkëdhelur i Doktorit.

As njëri e as tjetri, nuk i duhen më as dreqit, e jo më parlamentit. PD duhet të hapet për njerëz normalë që ndjehen natyrshëm të djathtë e të gatshëm për t?a riformatuar e rindërtuar atë parti sipas një modeli evropian modern e mbi baza të vërteta demokratike.

PD është aset kombëtar, jo SH.P.K. e as pronë private. Monika Kryemadhi duhet të japë dorëheqjen gjithashtu për shkak të paaftësisë së saj për të ruajtur një parti që bashkëshorti i saj ia la me 19 deputetë. Përndryshe, LSI do të pushojë së ekzistuari brenda dy vjetësh.

Pas tyre, i takon Presidentit Ilir Meta të mbajë fjalën e të dorëhiqet nga posti më i lartë i shtetit. Në të tilla momente duken burrat dhe unë për të tillë e kam pas njohur!

Nuk ju kemi më borxh asnjë sekondë të jetës sonë, asnjë grimcë vëmendjeje e mbi të gjitha të ardhmen e fëmijëve tanë. Mjaft luajtët e u tallët me dëshirën tonë të pastër për t?a bërë këtë vend!’– shkruan Gjoni./CNA.al