E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

“Shembull i injorancës dhe prapambetjes”/ Rama sulmon Voltana Ademin: Kryetarja se prish fare terezinë

31 Mars 2021, 18:33, Politikë CNA

Kryeministri Edi Rama është ndalur pasditen e sotme në Shkodër, ku ka prezantuar kandidatët për deputetët të PS-së.

Në fjalën e tij, Rama ka sulmuar ashpër kryebashkiaken Voltana Ademi.

Ai u shpreh se Bashkia e Shkodrës është një bashki qorre dhe shembulli më drithërues i injorancës dhe prapambetjes.

Teksa e cilësoi Shkodrën qytetin më të pisët në Shqipëri, Rama thekson se kryebashkiakes Ademi nuk i prishet fare terezia që plehrat nuk mblidhen.

?Për të mbështetur Shkodrën ne i kemi ardhur vërdallë kufijve të vendosur nga një bashki qorre, që është shembulli më drithërues i injorancës, prapambetjes, inercisë, duke shkuar qorrazi drejt të ardhmes. I kemi ardhur rrotull dhe kemi ndërtuar rrugën Shkodër-Velipojë, një rrugë turistike që ishte një premtim dembabadem i të gjitha herëve që PD ka ardhur këtu për të marrë votën dhe që nuk u ndërtua kurrë.

E ndërtuam ne, duke i ardhur rrotull se nuk merrnim dot leje në bashki. Ata duan ta mbajnë Shkodrën në këtë gjendje. Komunizmi ka vdekur dhe mban peng vetëm Shkodrën, nga këta që e përdorin komunizmin për të marrë peng gjithë Shkodrën. Nuk mundet dot ti të shkosh të votosh, sikur shkon për të bërtitur në stadium ditën e diel, se të hënën dita vazhdon. Dhe kur ti ja jep votën një idioti, je peng i tij.

Shkodra ka mbetur peng e një idiotësie prej 30 vitesh, me idenë se po i reziston komunizmit, që ka vdekur dhe që s?ka asnjë shans të ringjallet, por rri gjallë në formën e fantazmës këtu në Shkodër.

Si prishet fare terezia asaj kryetares së Bashkisë se çfarë ndodh me plehrat. Shkodra është qyteti më i pistët, ku nuk mblidhen plehrat. Është qyteti me më shumë gropa në vend. Këtu është qytet që ka mbetur ora. Por, punët e veta edhe kryetarja e bashkisë, edhe ata të shpurës së PD, që venë e vinë sa këtu sa në Tiranë për të bërë deputetin e Shkodrës, i kanë në terezi. Lufta që bëjnë sot është prapë për punët e tyre, jo për punët e Shkodrës apo të Shqipërisë?, tha Rama./CNA.al