E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Debatet për AstraZeneca-n/ Tomini: Në pandemi nuk ka luks, mpiksja e gjakut është patologji

17 Mars 2021, 21:08, Lifestyle CNA

Zëvendësministrja e Shëndetësisë, Eugena Tomini, e ftuar mbrëmjen e sotme në ?Real story? ka folur për vaksinën e AstraZeneca e cila vijon të injektohet në vendin tonë, ndonëse shumë vende e kanë pezulluar për shkak të efekteve anësore që ka dhënë tek disa pacientë.

Tomini tha se ka një grup që hezitojnë ta bëjnë vaksinën, pavarësisht se sipas saj, ende nuk ka asgjë të konfirmuar se vaksina e AstraZeneca e shkakton mpiksjen e gjakut.

?Të papriturat e vaksinës AstraZeneca, nën ndikimin e asaj që quhet efekti i padëshiruar, do të quhen të padëshiruara kur të ketë raste konkrete me efekte. Shqipëria është nën efektin e vlerësimit të situatës. Aktualisht ne kemi mbi 33 mijë vaksina të injektuara, kemi dozë të parë, duke përfshirë dhe dozë të dytë. Me dozë të dytë janë rreth 8 mijë individë, pjesa tjetër janë me dozë të parë.

Është normale të kemi hezitim me fushatën e vaksinimit, por edhe panik kur ka thashetheme, por deri tani agjencitë ndërkombëtare nuk kanë deklaruar lidhje mes vaksinës dhe mpiksjes së gjakut. Hezitimi do një luftë të jashtëzakonshme të përbashkët. Por absolutisht që nuk është lënë një lënie e lirë nga qeveria dhe ministria procesi i vaksinimit.
Në pandemi nuk ka luks, në pandemi jemi të gjithë të barabartë përballë një lufte. Ne flasim në kuadër të shëndetit publik dhe është shumë e rëndësishme për të qenë bashkë, për të dhënë mesazhin e duhur, për të mos pasur grup hezituesish. Aplikimi i vaksinave, cilado qoftë, nuk të ndalojnë vdekshmërinë nga sëmundje të tjera, mpiksja e gjakut në tërësi është patologji kardiovaskulare, që ndodh në të gjithë botën, por duhet të përllogarisim ose të masim veprimet për të cilat ne akuzojmë efekte të padëshiruara, por që nuk kanë lidhje me vaksinën, të pakonfirmuara deri tani. Nëse do të konfirmohen, në linjë është mënyra për të komunikuar mbi efektet anësore.”, tha ajo./CNA.al