web counter
LEXO PA REKLAMA!

SHKARKO APP

App Store
Google Play

Rama dhe Manastirliu inspektojnë Qendrën e Parë në ‘’Air Albania’’/ Do vaksinohen 60 qytetarë në orë

4 Janar 2021, 16:00, Politikë CNA

Kryeministri i Shqipërisë, Edi Rama bashkë me ministren e Shëndetësisë Ogerta Manastirliu kanë inspektuar pasditen e sotme ambientet e reja në ??Air Albania?? që do të shërbejë si Qendra e Parë e vaksinimit ndaj COVID-19 në vend.

Sipas Ramës, synohet që vaksinimi të fillohet para javës së tretë të janarit, i cili është dhe afati i kontratës me kompaninë Pfizer.

Manastirliu në fjalën e saj ka shpjeguar procedurën se si do të zhvillohet vaksinimi i kategorisë së parë të përfshirë në këtë fushatë.

Ndër të tjera ajo ka theksuar se tashmë i kanë gati të gjithë kapacitete e ambienteve dhe po trajnohet pjesa e stafit mjekësor që do të merret me procesin e vaksinimit.

“Do të jenë 60 çdo një orë është planifikuar që të vaksinohen 60 ose më shumë qytetarë dhe është parashikuar që të vijojë deri në 10 orë puna. Aktualisht kemi bërë gati listat e mjekëve dhe të infermierëve të spitaleve Covid  dhe më pas do të nisë dhe vaksinimi i mjekëve dhe i infermierëve të ambientëve të tjerë. Jemi në fazën ku po trajnojmë ekipet që do të jenë pjesë e procesit të vaksinimit anti Covid. Ndërkohë do të vijojmë paralelisht me Tiarnën me Vlorën dhe me Shkodrën dhe më pas do të vijojmë dhe me qytetet e tjera. Ne kemi kapacitete që të presim dhe të bëjmë deri në 30 mijë vaksina. Për depot frigoriferike ne tashmë i kemi të siguruar. Ne do të vijojmë punën për të pasur një organizim sa më të suksesshëm. Dhe në një kohë të shpejtë të mbledhim të gjithë të dhënat për të vaksinuarit?, ka thënë Manastirliu./CNA.al

 

 





Lajmet e fundit nga