web counter
LEXO PA REKLAMA!

SHKARKO APP

App Store
Google Play

E fundit!

x

Nga Mentor Kikia/ Po, është e vërtetë, Shqipëria ka ndryshuar. Po falë kujt?

8 Dhjetor 2020, 15:22, Opinione CNA

Lexova sot disa komente, lidhur me ndryshimet që Shqipëria ka pësuar në këto tri dekata postkomuniste, si kundërvënie ndaj atyre që, ashtu si puna ime, shikojnë vetëm ?zi?.

Po, është e vërtetë që Shqipëria ka ndryshuar. Ka ndryshuar shumë madje. Padyshim që ajo nuk ka asnjë lidhje me atë të vitit 1990. As qytetet, as njerëzit, as rrugët?

Njerëzit nuk janë më aq të varfër, vishen mirë, ushqehen më mirë. Shumë kanë makina personale, kanë shtëpi të mira, në fshatra ka shumë vila, ka ujë të rrjedhshëm, kanë tualete… Sikundër ka ende shumë varfëri e mizerje, por nuk dua të merrem me këtë bilanc. Por dua të bëj disa pyetje:

Sa nga ata njerëzit në fshat shtëpinë e re e të madhe, e kanë bërë me fitimet nga ?ferma?, me një lopë e një gomar?

Sa nga ata që janë në qytet, shtëpinë e rë e kanë blerë me kursimet nga paga e punës së tyre?

Sa nga njerëzit e thjeshtë makinën e ka blerë me kursimet nga puna në Shqipëri?

Nga ata që njoh unë, asnjëri. Përjashto biznesmenët, trafikantët dhe të korruptuarit e pushtetit, të tjerët i kënë bërë me paratë e emigracionit. Një gjeneratë e tërë e këtij vendi u ?sakrifikua? që ky popull të shpëtonte nga uria dhe të kapte një standard minimal jetese.

Po, Shqipëria ka ndryshuar! Por ka ndryshuar falë djersës, gjakut dhe shpesh edhe jetës, së qindra mijëra të rinjve, burrave e grave, që morën malet dhe detet në këmbë, për të emigruar në Greqi e Itali. Atyre që u futën në frigoriferë e nën shasi kamionësh, për të shkuar në Gjermnai e Angli.

Dhe për këtë ndryshim nuk ka meritë ashkush. Po fare.

Ky ndryshim në jetën e shqiptarëve nuk është produkt i asnjë politike zhvillimi të brendshëm, nuk është produkt i asnjë GDP-je.

Ky është produkt gjaku.

Çdo shtëpi të re, të ngritur në këtë vend, po ta shtrydhësh, do të pikojë djersë dhe gjak emigrimi.





Lajmet e fundit nga