web counter
LEXO PA REKLAMA!

SHKARKO APP

App Store
Google Play

E fundit!

x

La pa urdhër mbrojtjeje Fildez Hafizin/ Gjyqtarja punëson vajzën në Bashkinë e Tiranës

1 Nëntor 2020, 11:39, Vetingu CNA

Procesi i Vettingut ka hyrë në fazën finale. Të paktën për prokurorët dhe gjyqtarët e Tiranës. Pjesë e listës finale që është bërë publike në Qershor të këtij viti është gjyqtarja e Gjykatës së Shkallës së Parë në Tiranë, Majlinda Doga.

Gjyqtarja e cila karrierën e ka të përqëndruar në Tiranë bën pjesë në rangun e gjyqtarëve që kanë ndryshuar ditëlindjen.
Në formularin e vetëdeklarimin rezulton se gjyqtarja e ka ditëlindjen me 04.03.1961 dhe sipas saj gjendja civile ia ka ndërruar ditën dhe muajin e lindjes, duke ia lënë 28.02.1961.

Emri i gjyqtares Majlinda Dogga është lakuar në kohën që gjyqtarja tashmë e ndjerë Fildez Hafizi u vra nga bashkëshorti i saj.
Në media u raportua e gjyqtarja Majlinda Doga kishte vendosur të pushojë ?ështjen e urdhër-mbrojtjes me datën 7 prill të vitit 2015, pasi vet Hafizi nuk është paraqitur në seancën gjyqësore.

Pra gjyqtarja Fildez Hafizi ka qenë e papajisur më urdhër mbrojtjeje në momentin kur ka ndodhur ngjarja. Gjyqtarja Dogga nuk rezulton të këtë pasur çështje të tjera që mund të quhen të nxehta apo që janë të ndjeshme për opinionin publik.

Sa i përket pasurisë, burimet e të ardhurave ajo i ka nga paga e saj dhe bashkëshortit. Patundëshmëri ajo deklaron një apartament banimi ndërtuar në vitin 1958 me vlerë 10 000 lekë.

Pas vitit 2014 të ardhurat e gjyqtares janë shtuar edhe nga pagat e vajzave, kursimet e të cilave shtohen nga vit në vit.
Në vitin 2017, vajza Ina Dogga deklaron një llogari bankare me vlerë 2 700 euro, ndërsa si të nga puna e njëjta deklaron 26 000 lekë në muaj.

Ndërsa një vit më vonë, vajza Ina Dogga deklaron një llogari bankare me vlerë 11 752 euro, të cilën e justifikon me bërjen e disa punëve njëherësh dhe kursime të familjes. Në fakt ky shumëfishim për një vit, në plan të parë duket i pajustifikur, por ndoshta në Vetting gjyqtarja do të paraqesë dokumentacion bindës.

Gjithashtu, në vitin 2017 gjyqtarja deklaron se është bashkredimarrëse me vajzën Erinda Dogga, e cila ka marrë një kredi me vlerë 2 000 000 lekë, për blerjen e një apartamenti. Pas blerjes së apartamentet, vajza e gjyqtares është punësuar në Bashkinë e Tiranës. Të paktën kështu deklarohet në formularin e vititi 2018.

Më poshtë po sjellim pasurinë e gjyqtares Majlinda Doga, sipas të dhënave të ILDKPKI.
Viti 2003

Ap banimi i ndërtuar në vitin 1958 me vlerë 10 000 lekë.
Automjet tip Benz, 300 000 lekë.
Të ardhura nga paga e Dhimitër Doga, 0.61 milion lekë.

Viti 2004
Nuk deklaron asnjë ndryshim.

Viti 2005
Të ardhura nga puna e subjektit deklarues në Gjykatën e Tiranës, 765 552 lekë.

Viti 2006
Të ardhura nga puna e subjektit deklarues në Gjykatën e Tiranës, 972 560 lekë.

Viti 2007
Shitur makina 3 000 eu30.
Blerë makinë Benz 201 me vlerë 9 000 euro, në emër të bashkëshortit.
Të ardhura nga puna e subjektit deklarues në Gjykatën e Tiranës, 859 230 lekë.
Të ardhura nga puna e bashkëshortit si mësues, 456 720 lekë.
Të ardhura nga bursa e vajzës, Bashkia Tiranë, 45 000 lekë.

Viti 2008
Të ardhura nga puna e subjektit deklarues në Gjykatën e Tiranës, 825 385 lekë.

Viti 2009
Të ardhura nga puna e subjektit deklarues në Gjykatën e Tiranës, 1 068 094 lekë.

Viti 2010
Të ardhura nga puna e subjektit deklarues në Gjykatën e Tiranës, 1 057 804 lekë.
Të ardhura nga paga e bashkëshortit, 529 536 lekë.
Kursime, 400 000 lekë.
Viti 2011

Të ardhura nga puna e subjektit deklarues në Gjykatën e Tiranës, 1 083 774 lekë.
Të ardhura nga paga e bashkëshortit, 558 852 lekë.
Kursime, 500 000 lekë.
Të ardhura nga paga e vajzës, 29 000 lekë.

Viti 2012
Kursime, 400 000 lekë.
Të ardhura nga puna e subjektit deklarues në Gjykatën e Tiranës, 1 343 813 lekë.
Të ardhura nga paga e bashkëshortit, 61 750 lekë.

Viti 2013
Kursime, 500 000 lekë.
Të ardhura nga puna e subjektit deklarues në Gjykatën e Tiranës, 1 407 777 lekë.
Të ardhura nga paga e bashkëshortit, 746 570 lekë.
Kursime në emër të vajzës Erinda Dogga, 600 000 lekë.

Viti 2014
Kursime, 500 000 lekë.
Të ardhura nga puna e subjektit deklarues në Gjykatën e Tiranës, 1 352 935 lekë.
Të ardhura nga paga e bashkëshortit, 621 056 lekë.
Kursime në emër të vajzës Erinda Dogga, 240 000 lekë.
Të ardhura nga paga e vajzës Erinda Dogga, 353 077 lekë.

Viti 2015
Kursime, 500 000 lekë.
Të ardhura nga puna e subjektit deklarues në Gjykatën e Tiranës, 1 343 641 lekë.
Të ardhura nga paga e bashkëshortit, 63 300 lekë.
Kursime në emër të vajzës Erinda Dogga, 220 000 lekë.
Të ardhura nga paga e vajzës Erinda Dogga, 83 840 lekë.

Viti 2016
Kursime, 400 000 lekë.
Të ardhura nga puna e subjektit deklarues në Gjykatën e Tiranës, 1 781 889 lekë.
Gjendje llogarie e bashkëshortit 100 284 21 lekë.
Bashkëshorti deklaron transferta nga vëllai i subjektit deklarues 200 euro.
Gjendja e llogarisë së vajzës Ina Dogga 392 980 lekë.
Kursime në emër të vajzës Erinda Dogga, 580 000 lekë.
Të ardhura nga paga e vajzës Erinda Dogga, 67 451 lekë.

Viti 2017
Kursime, 350 000 lekë.
Të ardhura nga puna e subjektit deklarues në Gjykatën e Tiranës, 1 388 850 lekë.
Subjekti deklarues është bashkredimarrëse me vajzën Erinda Dogga, e cila ka marrë një kredi me vlerë 2 000 000 lekë, për blerjen e një ap.
Bashkëshorti deklaron transferta nga vëllai i subjektit deklarues 200 euro.
Pensioni i bashkëshortit, 27 845 lekë.
Llogari bankare e vajzës Ina Dogga me vlerë 2 700 euro.
Të ardhura nga puna e vajzës Ina Dogga pranë një shoqërie arkitektësh, 26 000 lekë në muaj.
Të ardhura nga paga e vajzës Erinda Dogga, 945 557 lekë.

Viti 2018
Të ardhura nga puna e subjektit deklarues në Gjykatën e Tiranës, 1 429 342 lekë.
Vazhdon shlyerja e kredisë nga ana e vajzës Erinda Dogga.
Bashkëshorti deklaron transferta nga vëllai i subjektit deklarues 200, 350 dhe 600 euro, për t?u kujesur për prindërit e moshuar.
Pensioni i bashkëshortit, 27 845 lekë.
Llogari bankare e vajzës Ina Dogga me vlerë 11 752 euro.
Të ardhura nga paga e vajzës Erinda Dogga, në Bashkinë e Tiranës, 1 028 258 lekë./CNA.al





Lajmet e fundit nga