web counter
LEXO PA REKLAMA!

SHKARKO APP

App Store
Google Play

U kthye nga kampi i “ferrit” bashkë me fëmijët/ Gazetari zbulon si u plagos Floresha Rasha me snajperi

27 Tetor 2020, 20:38, Sociale CNA

Gazetari Muhamed Veliu i cili ka ndjekur nga afër të gjithë operacionin për kthimin e 4 fëmijëve parë të dalë nga kampi Al-Hol, ka zbuluar detaje të reja edhe në lidhje me plagosjen e Floresha Rashës në Siri.

Veliu tha se ajo ka marrë në kofshë 2 plumba snajperi, ndërsa ka humbur dhe të bijën adoleshente nga bombardimet në zonë.

Më tej Veliu shtoi se Floresha është martuar gjithsej 3 herë, por të 3 burrat i janë vrarë nga lufta.

“Ajo ka qenë duke ecur në rrugë. Është plagosur nga një snajper. I kanë ndodhur disa fatkeqësi. E bija e saj 16-vjeçare ka ndërruar jetë nga një bombardim nga ajri. Snajperat janë për të goditur. Se kë e zgjedhin ata. ISIS në një krah, sirianët në krahun tjetër, ajo ka qenë në mes. Ka dy plagë të rënda në kofshë. Ka bërë dy ndërhyrje në Siri dhe nuk janë të mjaftueshme. Ka humbur bashkëshortin. U martua dhe dy herë të tjera, por dhe këta dy burra kanë humbur jetën.

Fëmijët flasin shqip. Situata e Endri Dumanit ishte më e mirë krahasuar me djalin e Floreshës. Te Endri Dumani shikoje që ishte i qeshur dhe i shkujdesur, ndërsa Amari i zhytur në një botë në thellësi mendimesh, nuk fliste me askënd. Amari është mbajtur nga kurdët i izoluar, në një shkollë që kurdët e cilësonin si një shkollë riedukimi”, tha Veliu./CNA.al





Lajmet e fundit nga