web counter
LEXO PA REKLAMA!

SHKARKO APP

App Store
Google Play

Habit avokatja e Fjolla Morinës/ S’janë armë zjarri, njëra është pistoletë për të trembur...

22 Shtator 2020, 10:58, Kronika CNA

Avokatja e Fjolla Morinës, Aurora Guska ka habitur me deklaratën e saj teksa thotë se armët e gjetura në çantën e këngëtares nuk janë armë zjarr, por njëra është pistoletë që përdoret për të trembur qentë dhe tjetra çakmak.

“Kjo pistoletë nuk është armë zjarri, por pistoletë që përdoret për të trembur qentë apo kafshët e egra dhe për të dhënë sinjal në rast rreziku pasi bën zhurmë dhe qëllimi i përdorimit është në sport dhe ndryshe është pistoletë zhurmuese, ndërsa tjetra është çakmak”, thotë avokatja.

Gjithashtu ajo ka sqaruar edhe arsyen se përse u shty seanca gjyqësore, ndërsa thekson se Fjolla është shtatzënë dhe është e pamundur që ajo të lihet në burg.

“Fillimisht kërkesa e parë e prokurorisë ishte për arrest në burg, me faktet pasi Fjolla është shtatzënë dhe është e pamundur që ajo të lihet në burg sipas nenit 230 pika 2. Na u la një kohë për të siguruar një kontratë qiraje banimi që ajo të vendoset me masën e sigurisë arrest shtëpie ose në këtë kundërtën kërkoi dhe garanci pasurore. Gjatë kësaj kohe na u la koha e lirë për të konkluduar nëse do paraqesim garancinë pasurore ose kontratën e qira”, ka thënë avokatja./CNA.al





Lajmet e fundit nga