web counter
LEXO PA REKLAMA!

SHKARKO APP

App Store
Google Play

Konfindustria thirrje qeverisë/ Ekonomia të rikthehet në normalitet përpara 1 Qershorit

26 Maj 2020, 09:09, Politikë CNA

Në një deklaratë për mediat, Konfindustria Shqiptare i ka kërkuar qeverisë, rikthimin e menjëhershëm në normalitet të jetës ekonomike për të gjithë kategoritë e biznesit.

?Konfindustria i kërkon ekzekutivit dhe grupit të menaxhimit të krizës kundër Covid 19 rikthimin e menjëhershëm në normalitet të jetës ekonomike për të gjithë kategoritë e biznesit në hapësirat gjeografike në shkallë vendi pa përjashtim dhe pa pritur afatin subjektiv kohor të paracaktuar të 1 qershorit. Gjithashtu, është shumë e rëndësishme dhënia e menjëhershme e lirisë së plotë të lëvizjes së qytëtarëve në të gjitha qarqet e vendit.?-thuhet në deklaratë.

Më tej, Konfindustria shpreh shqetësimin për vonesat e tejskashme dhe të paarsyetuara të rikthimit në normalitet te jetës ekonomike në vend.

?Shqipëria, pavarësisht se praktikisht nuk kishte asnjë pasojë nga pandemia globale Covid 19, është është vendi i fundit, në lehtësimin e masave shtrënguese. Të gjitha vendet historike të BE, që u prekën më dhjetra herë më rëndë sesa Shqipëria nga kriza shëndetësore e Covid 19, zbatuan masa shumë herë më të lehta të izolimit dhe njëkohësisht janë shumë më përpara në rikthimin në normalitet. E njejta gjëndje është edhe për vendet e Rajonit, që praktikisht janë rikthyer në normalitet të plotë. Përfundimi është një faturë financiare shumë më e rëndë krahësimisht vendeve të tjera për qytetarët dhe goditje e fortë ndaj fuqisë së konkurencës të ekonomisë shqiptare.?-përfundon deklarata.





Lajmet e fundit nga